Mûvunjia 7:23 - ÎVUKU RÎA ÛVORO MWARO

²³ Nîneciririe maûndû mau monthe na ûûgî na nînendaga gûtuîka mûndû mûûgî, nwatî ûûgî warî kûraca nanie.

Mûvunjia 7:23 ပူးပေါင်းရင်းမြစ်များ

Kîam 3:5

Ngai aamwîrire ûguo nîûndû nîwecî atî rîrîa mûkaarîa îtunda rîa mûtî ûcio, metho menyu nîmakaavingûka na nîmûgaatuîka ta Ngai mûmenyage maûndû maro na marîa macûku.”

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 3:11

Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Mûvunjia 7:22

nîûndû wanawe nîwicî atî wanaruma andû engî maita meengî.

Mûvunjia 8:17

Nînaacokire ngîmenya atî mûndû ndangîvota kûmenya maûndû marîa Ngai ekaga gûkû nthî. Andû arîa aûgî nwa mauge atî nîmaicî, nwatî maticî.

Aroma 1:22

Maugaga nî aûgî nwatî nî irimû.

1Akor 1:20

Kwoguo tûngiuga atîa îgûrû rîgiî andû arîa aûgî? Tûngiuga atîa îgûrû rîgiî arimû a watho? Na tûngiuga atîa îgûrû rîa andû arîa marî wara mwîngî wa kwarîrîria maûndû? Ngai nîwonanîtie atî ûûgî wa gûkû nthî wîthagîrwa ûrî ûrimû.