Mûvunjia 7:15 - ÎVUKU RÎA ÛVORO MWARO

¹⁵ Ûtûûrorî wakwa mûnini nîmonete maûndû monthe. Mûndû mûthingu nîakucaga wana ethîrwa nî mûthigu, na kûrî mûndû mwaganu ûtûûraga kavinda karaca wana ethîrwa nî mwaganu.

Mûvunjia 7:15 ပူးပေါင်းရင်းမြစ်များ

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Mûvunjia 2:23

Nîûndû ûtûûro wake wonthe wîcûrîtwe nî mathîna na wîra wake wonthe nî mîtango, wana ûtukû ndavurûkaga. Ûcio nî wîra wa mana.

Mûvunjia 3:16

Ûndû wîngî naamenyire gûkû nthî nî atî kûrîa kwagîrîrwe kwîthîrwa na kîvooto na ûûma kwîthagîrwa na maûndû macûku.

Mûvunjia 6:12

Nû wicî maûndû marîa mûndû agîrîrwe nî kwîthîrwa namo kavinda kanini karîa mûndû agûtûûra mwoyo, ûtûûro ûrîa ûvîtûkaga ta kîruru na ûtarî vata? Nî ûrîkû gûkû nthî wicî maûndû marîa mûndû akaagîa namo akua?

Mûvunjia 9:9

Îîkenagie ûtûûrorî na mûndûmûka ûrîa wendete kavinda karîa Ngai akûvete ûtûûre gûkû nthî. Ûguo nîguo wavangîrwe wîrarî waku wonthe ûrîa ûrutaga gûkû nthî.

Isaia 65:20

Gûtikaagîa ciana igûkua irî ngenge rîngî, nao andû arîa akûrû matigaakua matakinyîtie kavinda kao. Mûndû angîkua akinyîtie ûkûrû wa mîaka îgana akoonagwa arî wa mwîthî, na angîkua atakinyîtie ûkûrû wa mîaka îgana akoonagwa arî mûrume.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.