Mûvunjia 7:13 - ÎVUKU RÎA ÛVORO MWARO

¹³ Taîcirie ûvoro wîgiî wîra ûrîa Ngai arutîte. Nî ûrîkû ûngîrûngaria kîrîa Ngai athugarîtie?

Mûvunjia 7:13 ပူးပေါင်းရင်းမြစ်များ

Ayubu 11:10

Ethîrwa Ngai nwa anyite mûndû na amuikie njeera na amûthitange, nû ûngîmûrigîrîria?

Ayubu 12:14

Ngai angîomomora kûndû, gûtirî mûndû ûngîtuma rîngî; angîvingîra mûndû, gûtirî mûndû ûngîmûvingûrîra.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Ayubu 37:14

“Ayubu, tathikîrîria; tatarania maûndû ma magegania marîa Ngai ekaga.

Ayubu 9:12

Taroria, oocaga kîrîa akwenda na gûtirî mûndû ûngîmûgiria. Gûtirî mûndû ûngîmûria atîrî, ‘Ûreka atîa?’

Thaburi 107:43

Andû arîa aûgî nîmecirie ûvoro wa maûndû mama, na maririkane wendo ûtathiraga wa Ngai-Mûnene.

Thaburi 8:3

Rîrîa ngûroria îgûrû, rîrîa warûthire na njara ciaku, mweri na njata, irîa waûmbire,

Mûvunjia 1:15

Kîndû kîthugaru gîtingîrûngwa, na indo itarî vo itingîtarwa.

Mûvunjia 3:11

Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Mûvunjia 8:17

Nînaacokire ngîmenya atî mûndû ndangîvota kûmenya maûndû marîa Ngai ekaga gûkû nthî. Andû arîa aûgî nwa mauge atî nîmaicî, nwatî maticî.

Isaia 14:27

Ûndû ûrîa Ngai-Mûnene mwene vinya wonthe avangîte gwîka, nû ûngîmûgiria? Rîrîa araverithania nû ûngîmûgiria?

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Isaia 5:12

Methagîrwa marî na ngita, inanda, tamburini, mîtûrirû na ndivei marugarî mao. Nwatî matiîciragia maûndû megiî ciîko cia Ngai-Mûnene, kana mamenya ûrîa ekîte.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Luka 12:26

Angîthîrwa mûtingîvota gwîîkîra wana kaûndû kanini ûguo, nîndûî kîratûma mûmakue nî ûvoro wîgiî maûndû mau mengî?

Aroma 9:15

Nîûndû Ngai nîwerire Musa atîrî, “Nie ngegucagîra ntha wa ûrîa nenda kwîguîra ntha, na ngacaagîra wa ûrîa nenda gûcaîra.”

Aroma 9:19

Ûmwe gatagatîrî kenyu nî agaacoka ambûrie atîrî, “Ethîrwa ûguo nîguo Ngai ekaga angîvota atîa gûtua atî mûndû nî wîvîtie? Nû ûngîregana na wendi wa Ngai?”

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.