Mûvunjia 6:6 - ÎVUKU RÎA ÛVORO MWARO

⁶ Kethîrwa mûndû nwa atûûre îvinda rîa mîaka ngiri igîrî na ethîrwe ndakenagîra ûtûûro wake, ke na mwana ûcio nî ûndû ûmwe nîûndû oîrî makaathiî kûndû kûmwe.

Mûvunjia 6:6 ပူးပေါင်းရင်းမြစ်များ

Kîam 5:5

Adamu aatûûrire îvinda rîa mîaka magana kenda ma mîrongo îthatû (930) agîcoka agîkua.

Ayubu 1:21

na akîvoya akiuga atîrî, “Naciarirwe ndarî na kîndû na ngakua ndarî na kîndû. Nî Ngai-Mûnene wavecanire na nîke wacoka gwîcîra, rîîtwa rîake rîrogoocwa!”

Ayubu 30:23

Nîmbicî atî ûmvirîte gîkuûrî, kûrîa andû arîa marî mwoyo mathiîcaga.

Ayubu 7:7

“We Ngai, ta ririkana atî ûtûûro wakwa nî ta mîvevû; ritho rîakwa rîtigacoka kwona ûndû mwaro rîngî.

Thaburi 34:12

Nwa wende gûkenera ûtûûro waku? Nwa wende gûtûûra îvinda îraca na ûrî na gîkeno?

Mûvunjia 12:7

Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.

Mûvunjia 2:14

Mûndû mûûgî nî onaga kûrîa athiîte, nakîo kîrimû gîtionaga kûrîa kîthiîte. Nwatî nînaamenyire atî mûthiia wa andû acio wa oîrî nî gîkuû.

Mûvunjia 3:20

Andû wana nyamû ciaumire mûtheturî. Andû magaacoka mûtheturî wana nyamû igaacoka mûtheturî rîngî.

Mûvunjia 6:3

Mûndû angîciara ciana îgana rîmwe na atûûre mîaka mîngî, nwatî arege gwîkenia na indo mbaro ûtûûrorî kana arege kûthikwa, nie nîmbuga atî mwana ûrîa ûciarîtwe arî kîvuno nî mwaro gûkîra mûndû ûcio.

Mûvunjia 6:5

Wana ethîrwa mwana ûcio ndaanona ûtheri wa riûa kana amenya wanarî ûndû, nîethagîrwa arî na thayû gûkîra gîtonga kîu.

Mûvunjia 7:2

Nî kava kûthiî kûrîa andû maracakaya gûkîra kûthiî kîrugorî, nîûndû mûthiiarî andû arîa marî mwoyo nîmagîrîrwe nî kûmenya atî tuonthe nîtûgaakua.

Mûvunjia 9:2

Gûtirî ngûrani ya mûndû mûthingu na mûndû mwaganu, mûndû mwaro na mûndû mûcûku, mûndû mûtheru na ûtarî mûtheru, arîa marutaga matega na arîa matarutaga, nîûndû mûrigîrîrio wao onthe nî ûmwe. Gûtirî ngûrani ya mûndû mwaro na mwîvia, na gûtirî ngûrani ya mûndû ûrîa wîvîtaga na ûrîa ûtevîtaga.

Isaia 65:20

Gûtikaagîa ciana igûkua irî ngenge rîngî, nao andû arîa akûrû matigaakua matakinyîtie kavinda kao. Mûndû angîkua akinyîtie ûkûrû wa mîaka îgana akoonagwa arî wa mwîthî, na angîkua atakinyîtie ûkûrû wa mîaka îgana akoonagwa arî mûrume.

Isaia 65:22

Matigaatuma nyomba itûûrwa nî andû engî; matikaavanda mîthavibu îrîwa nî andû engî. Andû akwa magaatûûraga ûtûûro mûraca ta mîtî; na andû akwa arîa amûre nîmagaakenagîra wîra ûrîa marutîte îvinda îraca.

Jeremia 17:6

Ekariî ta kamûtitû kanini werûrî, na ndakoona ûndû mwaro ûgîûka kûrî ke, agaatûûraga kûrîa gûtangîkûra kîndû werûrî, kûndû kûrî cumbî gûtatûûragwa nî andû.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.