Mûvunjia 6:12 - ÎVUKU RÎA ÛVORO MWARO

¹² Nû wicî maûndû marîa mûndû agîrîrwe nî kwîthîrwa namo kavinda kanini karîa mûndû agûtûûra mwoyo, ûtûûro ûrîa ûvîtûkaga ta kîruru na ûtarî vata? Nî ûrîkû gûkû nthî wicî maûndû marîa mûndû akaagîa namo akua?

Mûvunjia 6:12 ပူးပေါင်းရင်းမြစ်များ

1Maû 29:15

Tûrî ageni na evîtûkîri methorî maku, wata ûrîa methe metû mekariî. Kavinda getû gûkû nthî gekariî ta kîruru, tûtirî na kîîrîgîrîro.

Ayubu 14:2

Akûraga ta maûa marîa macokaga kûma, avinyûraga na akaûrîra wa rîmwe ta kîruru.

Ayubu 14:21

Ke ndamenyaga rîrîa ciana cia aka ikûvewa gîtîîo, na ndonaga rîrîa makûnyivua.

Ayubu 8:9

Tue tûtûûrîte kavinda kanini, na gûtirî ûndû twicî; mîthenya yetû gûkû nthî nîta kîruru.

Thaburi 102:11

Ûtûûro wakwa wîkariî ta kîruru gîa kîvwaî, nîraûma ta nyaki.

Thaburi 109:23

Nîrathira ta kîruru gîa kîvwaî; nîrarivarivwa ta ngige.

Thaburi 144:4

Mûndû nîta mîvevû; ûtûûro wake ûvana ta kîruru kîvîtûkîte.

Thaburi 16:5

We Ngai-Mûnene, nîwe îgai rîakwa, nîwe ûmvecaga indo cionthe irîa mvataraga, ûtûûro wakwa ûrî njararî ciaku.

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Thaburi 4:6

Andû eengî mavoyaga makiugaga atîrî, “Ngai-Mûnene, tûtethie nîguo maûndû metû mavue, na ûtwîguîre ntha!”

Thaburi 47:4

Ngai-Mûnene nîwatûthuurîre vûrûri ûrîa tûtûûraga, îgai rîrîa andû ake arîa endete metîîagîra.

Thaburi 89:47

We Mwathani, ririkana ûrîa ûtûûro wakwa ûrî mûnini; ririkana atî andû onthe arîa waûmbire matûûraga kavinda kanini!

Mûvunjia 10:14

Kîrimû Kîamragia ciugo nyîngî mûno, gûtirî mûndû wicî ûrîa gûgekara vuvarî, na gûtirî mûndû ûngiuga ûrîa gûgeekara twarîkia gûkua.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Mûvunjia 2:3

Nîneciririe mûno ûrîa ngwîkenia na ndivei wa ndongoretue nî ûûgî, na ngîrûmagîrîra ûrimû nginya rîrîa ngaamenya maûndû maro mûno marîa andû mekaga kavinda kanini karîa matûûraga mwoyo.

Mûvunjia 3:22

Nînaacokire ngîmenya atî ûndû ûrîa mwaro mûno mûndû angîka nî gwîkenia na indo irîa acarîtie nîûndû ûguo nîguo avangîrîtwe. Gûtirî mûndû ûngîmenya ûrîa gûgekara arîkia gûkua.

Mûvunjia 6:11

Ngarari nyîngî itirî umithio na itingîtûma mûndû atuîka mwaro.

Mûvunjia 7:15

Ûtûûrorî wakwa mûnini nîmonete maûndû monthe. Mûndû mûthingu nîakucaga wana ethîrwa nî mûthigu, na kûrî mûndû mwaganu ûtûûraga kavinda karaca wana ethîrwa nî mwaganu.

Mûvunjia 8:13

Nwatî gûtikethîrwa kûrî kwaro kwa andû arîa aganu. Ûtûûro wao ûkaathira ta kîruru, na magaakua matarî akûrû, nîûndû matiîtigîrîte Ngai.

Mûvunjia 8:7

Gûtirî mûndû wicî ûrîa gûgeekara vuvarî, na gûtirî mûndû wa kûmwîra.

Mûvunjia 9:6

Wendo wao, rûmena rwao na merirîria mao cionthe nîciakwire vamwe nao. Kwoguo matikaanyitanîra maûndûrî marîa mekagwa gûkû nthî.

Mûvunjia 9:9

Îîkenagie ûtûûrorî na mûndûmûka ûrîa wendete kavinda karîa Ngai akûvete ûtûûre gûkû nthî. Ûguo nîguo wavangîrwe wîrarî waku wonthe ûrîa ûrutaga gûkû nthî.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Jakuvu 4:14

Nwatî mûtiîcî ûrîa gûgaatuîka rûyû. Mwoyo wenyu wîkariî ta nundu. Mwavota kûmîona gwa kavinda kanini, nwatî îgacoka îkathiî.