Mûvunjia 6:10 - ÎVUKU RÎA ÛVORO MWARO

¹⁰ Ûndû wa wonthe wîkîkaga warî mûvange wana mbere, na mûndû nîecîkene. Nîtwîcî atî mûndû ûtarî vinya ndangîkararania na mûndû ûrî vinya kûrî ke.

Mûvunjia 6:10 ပူးပေါင်းရင်းမြစ်များ

Kîam 3:9

Nwatî Ngai-Mûnene, Ngai nîwetire mûndûmûrûme ûcio na akîmûria atîrî, “Wî kû?”

Ayubu 33:13

Ûrakararania nake nîkî, ûkiugaga atî ndacokagia ciûria cia andû.

Ayubu 40:2

We ûtuîragia mavîtia, nîûgûcindana na Ngai Mwene Vinya? We ûkararanagia na Ngai, njokeria.

Ayubu 9:32

Nîûndû Ngai tî mûndû ta nie atî nwa nîmûcokerie, wana tûtingîthiî îgootirî gûciira nake.

Thaburi 103:15

Nwatî, ûtûûro wa mûndû wîkariî ta nyaki, akûraga ta maûa marî mûgûndarî;

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Mûvunjia 3:15

Ûndû wa wonthe ûrekîka wanekîka na ûndû wa wonthe ûgeekîka nîwekîkîte tene. Ngai nîatûmaga maûndû mau mekare magîkîkaga.

Mûvunjia 6:11

Ngarari nyîngî itirî umithio na itingîtûma mûndû atuîka mwaro.

Jeremia 49:19

Taroria, wata ûrîa mûnyambû umagîra mûtitûrî wa rûnjî rwa Njorodani, na ûgatonya ndîthiarî mbaro ya ng'ondu, nwataguo ngengata andû a Edomu wa rîmwe kuuma vûrûrirî wao. Nîngaiga mûtongoria wa ûrîa ngathuura kuo. Nîûndû, nû ûngîringithanua nanie? Nû ûngînjirithia? Nî mûrîthi ûrîkû ûngîregana nanie?

1Akor 10:22

Nîkwa tûrenda kûrakaria Mwathani kana nîkwa tûreciria atî tûrî na vinya kûmûkîra?