Mûvunjia 5:7 - ÎVUKU RÎA ÛVORO MWARO

⁷ Wana ethîrwa ûrî na iroto nyîngî na ûrute mawîra meengî ma mana na warie ciugo nyîngî, ûndû ûrîa mwagîrîru nî gûtîîa Ngai.

Mûvunjia 5:7 ပူးပေါင်းရင်းမြစ်များ

Nthi 23:17

Ndûkeguîre andû evia wîru, nwatî ûtûûre wîtigîrîte Ngai-Mûnene vîndî cionthe.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Mûvunjia 3:14

Nîmbicî atî maûndû monthe marîa Ngai ekaga matûûraga tene na tene. Gûtirî kîndû kîngîongererwa kana kîrutarutwe kuuma kûrî maûndû mau. Ngai atûmîte maûndû mau mekare ûguo nîguo andû mamûtîîaga.

Mûvunjia 3:16

Ûndû wîngî naamenyire gûkû nthî nî atî kûrîa kwagîrîrwe kwîthîrwa na kîvooto na ûûma kwîthagîrwa na maûndû macûku.

Mûvunjia 5:3

Gwîtanga mûno nîgûtûmaga mûndû arote iroto njûku, na andû arîa irimû nîo maragia mîario mîngî.

Mûvunjia 7:18

Nî waro mûno kûûrîra mwena wa wonthe wa mîena îo yoîrî. Mûndû ûtîîte Ngai nî akaavootana.

Mûvunjia 8:12

Andû arîa evia mekaga maûndû macûku maita îgana na magatûûra îvinda îraca. Kûnarî ûguo nîmbicî atî andû arîa magoocaga Ngai nîmakaagîa na maûndû maro nîûndû wa kûmûgooca.

Mûvunjia 8:13

Nwatî gûtikethîrwa kûrî kwaro kwa andû arîa aganu. Ûtûûro wao ûkaathira ta kîruru, na magaakua matarî akûrû, nîûndû matiîtigîrîte Ngai.

Mûvunjia 8:9

Nînonire maûndû mau monthe rîrîa neciragia îgûrû rîgiî maûndû monthe marîa mekagwa gûkû nthî. Andû amwe methagîrwa marî na ûvoti na engî mavinyagîrîrua marî rungu rwao.

Mathaayo 12:36

“Nie nîramwîra atî mûthenya wa îtuîro andû onthe nîmakaavecana gîtûmi gîa ciugo cionthe itarî vata irîa manaaria.