Mûvunjia 5:12 - ÎVUKU RÎA ÛVORO MWARO

¹² Ndungata nîîmamaga waro ûtukû, wana ethîrwa îrîte irio nyîngî kana nini. Nwatî gîtonga kîrî indo nyîngî na ititûmaga kîona toro.

Mûvunjia 5:12 ပူးပေါင်းရင်းမြစ်များ

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 4:8

Mamaga ûrîrî na nganyitwa nî toro nîrî na thayû, nîûndû we Ngai-Mûnene, nîwe wenga tu ûngitagîra.

Nthi 3:24

Rîrîa wîkarîte nthî, ndûgetigagîra; na wathiî kûmama, ûkaamamaga toro mbaro.

Jeremia 31:26

Kwoguo andû nîmakaugaga atîrî, ‘Nînamamire na ngîramûka nogokete waro mûno.’ ”