Mûvunjia 5:11 - ÎVUKU RÎA ÛVORO MWARO

¹¹ Rîrîa ûtonga wa mûndû wongerereka, andû a gûûtûmîra nwaguo mongererekaga. Mwene guo nîawonoga nwatî ndûmûtethagia.

Mûvunjia 5:11 ပူးပေါင်းရင်းမြစ်များ

Kîam 12:16

Mûthamaki nîwekire Aburamu maûndû maro nîûndû wa Sarai. Mûthamaki nîwavere Aburamu ndîthia ya ng'ondu, ng'ombe, mbûri mvunda, ngamîîra na ndungata cia arûme na cia aka.

Kîam 13:2

Aburamu aarî na ûtonga mwîngî mûno wa ng'ombe, ng'ondu, mbûri, sîlûva na thaavu.

Nthi 23:5

Ûtonga ûthiraga ta kûminjia na kûminjûkia, takwa wagîa na mathagu wa rîmwe ûkînagûrûka ta nderi.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 2:9

Kwoguo nînagîre na ngumo nene gûkîra andû onthe arîa maatûûraga Jerusalemu mbere yakwa, na nekire maûndû monthe nîrî na ûûgî.

Mûvunjia 5:12

Ndungata nîîmamaga waro ûtukû, wana ethîrwa îrîte irio nyîngî kana nini. Nwatî gîtonga kîrî indo nyîngî na ititûmaga kîona toro.

Mûvunjia 6:9

Ûcio wana guo nî wîra wa mana na nî ta kûvinyûrania na rûkûngi. Nîwaro mûndû kwîganîra na kîrîa arî nakîo gûkîra gwîtanga nîguo ûgîe na kîndû kîngî.

Jeremia 17:11

Mûndû ûrîa ûgîcaga na ûtonga na njîra îtagîrîrîte, ekariî ta gîconi kîrîa kîgumbagîra matumbî gîtaciarîte, gatagatî ga ûkûrû wake ûtonga ûcio nîûkaathira, na mûthiiarî akethîrwa arî kîrimû.

Habakuku 2:13

Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.

1Joh 2:16

Indo cionthe cia nthî ta, merirîria macûku ma mwîrî, merirîria ma indo njûku irîa twonaga, wana kana mwîtîîo nîûndû wa indo cia gûkû nthî matiîthagîrwa maumîte kûrî îthe wetû, nî ma nthî.