Mûvunjia 5:1 - ÎVUKU RÎA ÛVORO MWARO

¹ Îîmenyagîrîre rîrîa ûkûthiî hekarûrî ya Ngai. Nîkava kûthiî kuo kûthikîrîria gûkîra kûruta magongoona ta ûrîa irimû ciîkaga, nîûndû irimû itimenyaga ngûrani ya ûndû mwaro na ûndû mûcûku.

Mûvunjia 5:1 ပူးပေါင်းရင်းမြစ်များ

2Maû 26:16

Rîrîa mûthamaki Uzia aagîre vinya, nîwambîrîrie gwîtîîa. Mwîtîîo ûcio wake nîwatûmire acûkangue nîûndû nîwaregire kwathîkîra Ngai-Mûnene, Ngai wake na nîwathiîre hekarûrî kûvîvia ûbani metharî ya kîgongoona ya kûvîvîria ûbani.

Ayubu 11:2

Mîario îo yonthe nwa îture mûndû wa kûmîcûngîrîra, na mûndû mwaria mûno nwa ature mavîtia?

Ayubu 22:12

Nîtwîcî Ngai atûûraga îgûrû mûno, na nîaroragia nthî akoona njata wana ethîrwa irî îgûrû.

Thaburi 89:7

We nîwîtigîrîtwe nî Kîamma Kîam arîa atheru, arîa onthe makûrigicîrîtie nîmagwîtigagîra mûno.

Ntha 3:5

Nake Ngai-Mûnene nîwamwîrire atîrî, “Ndûgaûke vakuvî makîria. Ruta iratû nîûndû ûrûngamîte vandû vatheru.

Ntha 30:18

“Ûkaarûtha kîraî Kîam gîcango gîa kwîthambîria na kîrî na gîtina Kîam gîcango. Ûkaaiga kîraî kîu gatagatî ka îgema rîa Ngai-Mûnene na metha ya kîgongoona na wîkîre manjî kuo.

Nthi 10:19

Mîario mîîngî ndîturaga mavîtia, nwatî mûndû mûûgî ndaragia mûno.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Ciîko 10:33

Kwoguo nînaagûtûmanîre rîmwe, na we nîweka waro mûno nîûndû nîwaûka. Rîu tue tuonthe tûrî ava mbere ya Ngai tûthikîrîrîtie wa ûrîa wonthe we ûgûtwîra wathîtwe nî Mwathani.”

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

1Akor 11:22

Nîkwa mûtarî na mîciî yenyu mue ene kûrîa mûngîrîa na mûkanyua? Nîkwa mûnyararîte kanitha wa Ngai na mûconorithagia arîa methagîrwa matarî na kîndû? Nîmwîra atîa? Nîkwa ngûmûgatha nîûndû wa maûndû mama? Naarî! Nie tîmbîka guo!

Ahib 10:26

Ethîrwa nwa twîvie na rûtûrîko vuva wa kûmenya ûvoro ûrîa wa ma, gûtirî îgongoona rîngîvota kûrutwa rîa kûthengutia mevia.

Jakuvu 1:19

Arata akwa ende, ririkanagani maûndû mama! Mûndû wa wonthe nîaviûvage kwîgua, nwatî ndakaviûvage kwaria kana kûrakara.

Josh 5:15

Mûnene ûcio wa athigari a mbaara a Ngai-Mûnene nîwerire Joshua atîrî, “Ruta iratû ciaku, ûrûngamîte vandû vatheru.” Nake Joshua nîwekire ûguo eerirwe.