Mûvunjia 4:8 - ÎVUKU RÎA ÛVORO MWARO

⁸ Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 4:8 ပူးပေါင်းရင်းမြစ်များ

Kîam 2:18

Nake Ngai-Mûnene, Ngai nîwaugire atîrî, “Tî waro mûndû ûyû ekare arî wenga. Nîngûmûmbîra mûmûtethia ûrîa maganîrîrue nake.”

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 39:7

Rîu Mwathani, mwîvoko wakwa ûrî kû? Mwîvoko wakwa ûrî kûrî we.

Nthi 27:20

Kwa arîa akuû gûtiîcûraga, wana metho ma mûndû matiîganagia kwona.

Mûvunjia 1:13

Nînatuire na ngoro atî nîngûtuîria na ûûgî maûndû monthe marîa mekagwa gûkû nthî. Ngai nîavete andû wîra mûrito wa kûruta marî gûkû nthî.

Mûvunjia 1:8

Maûndû monthe matûmaga mûndû anoge, ûnogu mûndû atangîvota gûtaarîria. Ritho rîtiîganagia kwona, na matû matiîganagia kwîgua.

Mûvunjia 2:21

Kûrî mûndû ûrutaga wîra wa gûcaria indo na ûûgî, arî na ûmenyo na ûvoti. Nwatî mûthiiarî indo icio agaatigîra mûndû wîngî ûtaanairutîra wîra. Ûcio nî wîra wa mana na mûcûku!

Mûvunjia 2:23

Nîûndû ûtûûro wake wonthe wîcûrîtwe nî mathîna na wîra wake wonthe nî mîtango, wana ûtukû ndavurûkaga. Ûcio nî wîra wa mana.

Mûvunjia 4:7

Nînoonire ûndû wîngî wa mana gûkû nthî.

Mûvunjia 5:10

Mûndû ûrîa wendete mbeca ndeganagîra; na gûtirî mûndû wendete ûtonga ûkaagîa na ûtonga mwîganu. Wanaguo ûcio nî wîra wa mana.

Mûvunjia 5:9

Kûnarî ûguo rîrîa mûthamaki arûmbûyania na maûndû ma ûrîmi, andû onthe nîmagunîkaga.

Isaia 5:8

Mue nyomba na mîgûnda kaî mûrî na thîna-î, mwongagîrîra mîgûnda kûrî îrîa mûgûrîte, nginya rîrîa gûkethîrwa gûtarî na vandû mûndû wîngî angîtûûra, na mûgatûûra mûrî muenga.

Isaia 55:2

Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Mathaayo 11:28

“Ûkani kûrî nie, mue muonthe anogu na mûtitikîte mîrigo mîrito, na nîngûmûvurûkia.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

1Joh 2:16

Indo cionthe cia nthî ta, merirîria macûku ma mwîrî, merirîria ma indo njûku irîa twonaga, wana kana mwîtîîo nîûndû wa indo cia gûkû nthî matiîthagîrwa maumîte kûrî îthe wetû, nî ma nthî.