Mûvunjia 4:4 - ÎVUKU RÎA ÛVORO MWARO

⁴ Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mûvunjia 4:4 ပူးပေါင်းရင်းမြစ်များ

Kîam 26:14

Isaka aarî na ndîthia nyîngî cia ng'ondu na ng'ombe, wana ndungata nyîngî. Nao Afilisiti nîmaagîre na wîru nîûndû wake.

Kîam 31:1

Jakovu nîwegwire atî avîcî a Labani maaugaga atîrî, “Jakovu nîakuuîte indo cionthe irîa ciarî cia vava. Ûtonga ûyû wonthe arî naguo umanîte na indo irîa vava aarî nacio.”

Nthi 27:4

Marakara na mang'ûrîka nîkwa macûkangagia, nwatî wîru nîûcûkangagia makîria.

Mûvunjia 1:14

Nîmonete maûndû monthe marîa mekagwa gûkû nthî na ngîona atî monthe nî ma mana nîûndû nîta kûvinyûria rûkûngi.

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 2:21

Kûrî mûndû ûrutaga wîra wa gûcaria indo na ûûgî, arî na ûmenyo na ûvoti. Nwatî mûthiiarî indo icio agaatigîra mûndû wîngî ûtaanairutîra wîra. Ûcio nî wîra wa mana na mûcûku!

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Mûvunjia 4:16

Andû arîa aathaga maarî eengî mûno. Kûnarî ûguo arîa magaaciarwa vuvarî matigaakenerera wîra wake. Nama ûcio nî wîra wa mana na nîta kûvinyûrania na rûkûngi.

Mûvunjia 6:11

Ngarari nyîngî itirî umithio na itingîtûma mûndû atuîka mwaro.

Mûvunjia 6:9

Ûcio wana guo nî wîra wa mana na nî ta kûvinyûrania na rûkûngi. Nîwaro mûndû kwîganîra na kîrîa arî nakîo gûkîra gwîtanga nîguo ûgîe na kîndû kîngî.

Mathaayo 27:18

Pilato nîwecî waro atî atongoria a Ayahudi maanenganîrîte Jesû kûrî ke nîûndû maarî na rwetho.

Ciîko 7:9

“Avîcî a Jakovu nîmeguîrîre Josefu wîru na makîmwendia atuîke ngombo vûrûrirî wa Misiri. Nwatî Ngai aarî vamwe nake

Jakuvu 4:5

Mûtigecirie atî gûtirî na ûma mandîkorî matheru marîa maugîte atîrî, “Ngai nîwîriragîria arî na wîru mwîngî Roho ûrîa eekîrire ndaarî yetû.”

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.