Mûvunjia 4:16 - ÎVUKU RÎA ÛVORO MWARO

¹⁶ Andû arîa aathaga maarî eengî mûno. Kûnarî ûguo arîa magaaciarwa vuvarî matigaakenerera wîra wake. Nama ûcio nî wîra wa mana na nîta kûvinyûrania na rûkûngi.

Mûvunjia 4:16 ပူးပေါင်းရင်းမြစ်များ

2Sam 19:9

Andû onthe a Isiraeli nîmaambîrîrie gûtetania kûu vûrûrirî wonthe makiugaga atîrî, “Mûthamaki Daudi nîwatûvonokirie kuuma kûrî nthû cietû, na agîtûvonokia kuuma kûrî Afilisiti na rîu nî mûru akauma vûrûrirî nîûndû wa Abusalomu.

1Atha 1:40

Andû onthe nîmaamumire vuva, makîvuvaga mîtûrirû, makiugagîrîria nîûndû wa gûkena nginya nthî îkinaina.

Mûvunjia 1:14

Nîmonete maûndû monthe marîa mekagwa gûkû nthî na ngîona atî monthe nî ma mana nîûndû nîta kûvinyûria rûkûngi.

Mûvunjia 2:11

Nînaacokire ngîciria ûvoro wîgiî maûndû monthe marîa nekîte na mînoga îrîa nagîre ngîmeka. Nînaamenyire atî ûcio wonthe warî wîra wa mana na nîta kûvinyûrania na rûkûngi na warî ûndû ûtarî na umithio gûkû nthî.

Mûvunjia 2:17

Kwoguo nînaamenire ûtûûro nîûndû maûndû monthe marîa mekagwa gûkû nthî maambîgwithagia kîeva. Maûndû mau monthe maarî ma mana; nî takwa naageragia kûvinyûrania na rûkûngi.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Mûvunjia 4:15

Nînoonire andû onthe arîa matûûraga gûkû nthî na ngîcoka ngîona mwanake ûrîa ûngîatuîkire mûthamaki.