Mûvunjia 4:13 - ÎVUKU RÎA ÛVORO MWARO

¹³ Kava mwanake mûthîni na mûûgî gûkîra mûthamaki mûndû mûkûrû arî kîrimû na ndathikagîrîria mataaro,

Mûvunjia 4:13 ပူးပေါင်းရင်းမြစ်များ

Kîam 37:2

Rûrû nîruo rûgano rwa andû a Jakovu. Rîrîa Josefu aarî na ûkûrû wa mîaka îkûmi na mûgwanja (17), nîwarîthagia mbûri na ng'ondu marî na aa mûrwang'ina. Aamûrûang'ina acio maarî avîcî a Biliha na Zilipa, aka arîa maarî a kwigwa a Jakovu. Josefu nîweraga îthe maûndû macûku marîa mekagwa nî aa mûrwang'ina acio.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Nthi 19:1

Nîkava mûndû ethîrwe arî mûthîni na arî mwîvokeku, gûkîra mûndû waragia maveeni na arî kîrimû.

Nthi 28:6

Nîkava mûndû mûthîni ûrîa ûtûûraga arî mwîvokeku, gûkîra gîtonga kîrîa gîtûûraga ûtûûro ûtarî wa kwîvokeka.

Mûvunjia 4:12

Mûndû arî wenga nwa avootwe nî nthû, nwatî marî aîrî nîmetiragîria nthû. Mûkanda wa ndigi ithatû ndûtuîkaga na îvenya.

Mûvunjia 7:19

Ûûgî nîûtûmaga mûndû ûrî na ûmenyo agîa na vinya nyîngî gûkîra vinya wa atongoria îkûmi marî îtûûra.