Mûvunjia 3:17 - ÎVUKU RÎA ÛVORO MWARO

¹⁷ Nînaîrire na ngoro atîrî, “Ngai agaatuîra andû arîa athingu wana arîa aganu nîûndû nîavangîte mavinda ma ûndû wa wonthe na wîra wonthe.”

Mûvunjia 3:17 ပူးပေါင်းရင်းမြစ်များ

Kîam 18:25

Nama ndûngîka ûguo. Ndûngîcûkangia andû arîa athingu vamwe na arîa matarî athingu. Ûngîka ûguo, andû arîa aro makaaverithagua vamwe na arîa acûku. We ndûngîka ûguo. Mûndû ûrîa ûtucagîra nthî yonthe ciira nwanginya eke guo na kîvooto.”

Thaburi 96:13

îkaaina îrî mbere ya Ngai-Mûnene rîrîa agaaûka. Nîûndû agaaûka gûtuîra andû a nthî ciira. Ke agaatuîra nthî na waragania na andû a nthî na kîvooto.

Thaburi 98:9

mûrî mbere ya Ngai-Mûnene, nîûndû nîaûkîte gûtuîra nthî ciira. Ke agaatuîra andû na waragania na kîvooto.

Mûvunjia 1:16

Nie neîraga na ngoro atîrî, “Nîrî mûûgî gûkîra athamaki onthe arîa maathanaga Jerusalemu mbere yakwa.” Nîrî na ûûgî mwîngî na ûmenyo.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Mûvunjia 2:1

Nîneîrire na ngoro atî nîngwîkenia nîguo menye gîkeno nîndûî. Nwatî nînaamenyire atî wana ûcio nî ûndû wa mana.

Mûvunjia 3:1

Wa ûndû ûrî kavinda ka guo, na ûndû wonthe twîkaga ûrî kavinda karîa Ngai aûvangîrîte.

Mûvunjia 8:6

Kûrî kavinda karîa kagîrîru na njîra îrîa mbagîrîru ya gwîka ûndû, nwatî mûndû arî na ûmenyo mûnini.

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Danieli 12:4

Nwatî we, Danieli, vinga îvuku na ûrîkîre rûtumo, nginya kavinda ka mûthiia wa nthî. Andû eengî nî makaavinyûra ava na vaarîa na nî makoongerera ûûgî.

Danieli 12:9

“Nake nîwanjokerie atîrî, ‘Danieli, ûthiî rîu, nîûndû nwanginya maûndû mama methîrwe marî nthitho nginya îvinda rîa mûthiia rîkinye.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Johana 5:22

Gûtirî mûndû ûtucagîrwa ciira nî Îthe. Ke nîwîtîkîrîtie Mûriû atucanagîre ciira,

Ciîko 1:7

Nake Jesû nîwamerire atîrî, “Tî ûvoro wenyu kûmenya ciathî na mavinda irîa Vava atuîte ke mwene na wathani wake.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

1Ath 5:1

Ariû na aarî a îthe wetû, gûtirî na vata ya kûmwandîkîra ûvoro wîgiî ciathî na mavinda marîa maûndû mama magekîka.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 20:2

Nake nîwanyitire njûnamatu, njoka îrîa ya tene, na nîyo îtagwa Ngoma kana Caitani. Nîwocire nyororo na akîova njûnamatu îo kavinda ka mîaka ngiri îmwe.