Mûvunjia 3:13 - ÎVUKU RÎA ÛVORO MWARO

¹³ Andû magîrîrwe nî kûrîa na kûnyua na gwîkenia na indo irîa macarîtie nîûndû indo icio nî Ngai ûmavete.

Mûvunjia 3:13 ပူးပေါင်းရင်းမြစ်များ

Thaburi 128:2

Makaarîcaga maciaro ma wîra wa njara ciao; nîmagaakena na mathatûkwe nîguo.

Thaburi 34:12

Nwa wende gûkenera ûtûûro waku? Nwa wende gûtûûra îvinda îraca na ûrî na gîkeno?

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Mûvunjia 2:3

Nîneciririe mûno ûrîa ngwîkenia na ndivei wa ndongoretue nî ûûgî, na ngîrûmagîrîra ûrimû nginya rîrîa ngaamenya maûndû maro mûno marîa andû mekaga kavinda kanini karîa matûûraga mwoyo.

Mûvunjia 6:2

Ngai avecaga andû ûtonga, indo, gîtîîo na nîguo ndagature kîndû wa kîonthe kîrîa eriragîria. Nwatî Ngai ndetîkagîria mûndû akenerere indo icio. Vandû va ûguo indo icio vamwe na ûtonga irîcagwa nî mûndû wîngî. Ûcio nî wîra wa mana na nî mûcûku mûno.

Mûvunjia 8:15

Kwoguo mbîtîkîtie atî andû nîmagîrîrwe nî gwîkenia, nîûndû gûkû nthî gûtirî ûndû mwaro ûkîrîte kûrîa, kûnyua na gwîkenia. Mau nîmo maûndû marîa mûndû agîrîrwe nî gwîka rîrîa akûruta wîra gûkû nthî gwa kavinda karîa Ngai amûveete ga gûtûûra mwoyo.

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 26:11

Nîûgaakena nîûndû wa indo cionthe mbaro irîa Ngai-Mûnene, Ngai waku akûvete vamwe na andû a mûciî waku. Wanao Alawi na ageni arîa mûtûûranagia nao nîmagaakena.