Mûvunjia 3:11 - ÎVUKU RÎA ÛVORO MWARO

¹¹ Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Mûvunjia 3:11 ပူးပေါင်းရင်းမြစ်များ

Kîam 1:31

Ngai nîwaroririe indo cionthe irîa aaûmbire na akîona irî mbaro. Nakuo nîgwatukire na gûgîcoka gûgîkîa. Ûcio nîguo warî mûthenya wa gatandatû.

Ayubu 11:7

“Nwa ûvote kûmenya nthintho ya Ngai? Nwa ûvote kûmenya ûnene wa Ngai mwene vinya wonthe?

Ayubu 37:23

Tûtingîvota gûkuvîvîria Ngai Mwene Vinya; ke arî ûvoti mwîngî na kîvooto, ke ecûrîtwe nî wega na ndavinyanagîrîria.

Ayubu 5:9

Ke ekaga maûndû manene tûtangîvota gûtarîria, maûndû ma magegania matangîtarîka.

Thaburi 104:24

We Ngai-Mûnene, nîwîkîte maûndû meengî mûno! Wathondekire monthe na ûûgî! Nthî îcûrîte ciûmbe ciaku.

Nthi 16:4

Ngai-Mûnene aaûmbire indo cionthe irî na itûmi ciacio, wana mûthiia wa andû arîa aganu nî kûthirua.

Mûvunjia 1:13

Nînatuire na ngoro atî nîngûtuîria na ûûgî maûndû monthe marîa mekagwa gûkû nthî. Ngai nîavete andû wîra mûrito wa kûruta marî gûkû nthî.

Mûvunjia 11:5

Wata ûrîa ûtaicî ûrîa mwoyo ûtonyaga kûrî kaana îvurî rîa ng'ina, nwaguo ûtaicî wîra wa Ngai ûrîa wîkaga maûndû manene.

Mûvunjia 7:13

Taîcirie ûvoro wîgiî wîra ûrîa Ngai arutîte. Nî ûrîkû ûngîrûngaria kîrîa Ngai athugarîtie?

Mûvunjia 7:23

Nîneciririe maûndû mau monthe na ûûgî na nînendaga gûtuîka mûndû mûûgî, nwatî ûûgî warî kûraca nanie.

Mûvunjia 7:29

Nînamenyire ûndû ûmwe atî, Ngai aaûmbire andû marî agîrîru, nwatî nîo mecarîrîtie mathîna.

Mûvunjia 8:17

Nînaacokire ngîmenya atî mûndû ndangîvota kûmenya maûndû marîa Ngai ekaga gûkû nthî. Andû arîa aûgî nwa mauge atî nîmaicî, nwatî maticî.

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Maariko 7:37

Nao andû onthe arîa meeguire ûvoro ûcio, nîmaamakire mûno, makiugaga atîrî, “Na kaî mûndû ûyû nîwîkaga maûndû monthe waro-î! Ke wana nîatûmaga andû arîa mategucaga megue, na arîa mataragia marie.”

Aroma 1:28

Nîûndû andû acio nîmaaregire kûmenya Ngai, ke nîwamarekererie magîe na meciria macûku na mekage maûndû marîa matagîrîrîte.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.