Mûvunjia 2:9 - ÎVUKU RÎA ÛVORO MWARO

⁹ Kwoguo nînagîre na ngumo nene gûkîra andû onthe arîa maatûûraga Jerusalemu mbere yakwa, na nekire maûndû monthe nîrî na ûûgî.

Mûvunjia 2:9 ပူးပေါင်းရင်းမြစ်များ

1Atha 10:23

Mûthamaki Solomoni aarî mûtongu na mûûgî gûkîra athamaki acio engî onthe,

1Atha 10:7

Nwatî ndingîetîkirie nginya rîrîa nîraûkire na neyonera nie mwene na metho makwa. Nama, ndierîtwe wanarî nuthu ya ûvoro ûcio. Ûûgî waku na ûtonga waku nî mwîngî gûkîra ûrîa nerirwe.

1Atha 3:12

rîu nîngûkûva kîu wavoya. Nîngûva ûûgî mwîngî na ûmenyo, ûrîa ûtaanethîrwa ûrî na mûndû wîngî kana ûkeethîrwa ûrî na mûndû wîngî vuva waku.

1Maû 29:25

Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

2Maû 1:1

Solomoni, mûvîcî wa mûthamaki Daudi nî watuîkire mûthamaki wîkindîrîtie ûthamakirî wake. Nake Ngai-Mûnene, Ngai wake nî wamûrathimire na agîtûma agîa na vinya mûno.

Mûvunjia 1:16

Nie neîraga na ngoro atîrî, “Nîrî mûûgî gûkîra athamaki onthe arîa maathanaga Jerusalemu mbere yakwa.” Nîrî na ûûgî mwîngî na ûmenyo.

Mûvunjia 5:11

Rîrîa ûtonga wa mûndû wongerereka, andû a gûûtûmîra nwaguo mongererekaga. Mwene guo nîawonoga nwatî ndûmûtethagia.