Mûvunjia 2:6 - ÎVUKU RÎA ÛVORO MWARO

⁶ Nînenjire iriko cia manjî ma gwîtîrîria mîtî îo.

Mûvunjia 2:6 ပူးပေါင်းရင်းမြစ်များ

Nehemia 2:14

Nînaacokire ngîthiî Kîvingorî gîa Kîthima Kîam manjî na ngîthiî Kariarî ka Mûthamaki. Nwatî kûu kuonthe gûtiarî vandû vangîvîtûkîrîrwa nî mvunda îrîa nekarîrîte.

Nehemia 2:8

Na anengere maarûa îngî mvirîre Asafu mûmenyereri wa mûtitû wa vûrûri nîguo akaamva mbaû cia gûtuma ivingo cia vandû varîa vagitîre mûno varîa hekarû yarî na cia rûthingo rwa îtûûra rînene. Na acoke anengere mbaû nîûndû wa nyomba îrîa ngeekara. Nake Ngai aarî vamwe nanie kwoguo mûthamaki nîwanengere kîrîa kîonthe netirie.

Nehemia 3:15

Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

Nehemia 3:16

Nehemia mûvîcî wa Azibuki ûrîa wathaga nuthu ya vûrûri wa Bethizuri nîwatumire rîngî rûthingo varîa varoranîtie na mbîrîra ya Daudi, kariarî, nginya nyombarî ya arûme arîa maarî vinya.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Rwîmbo rwa Nyîmbo 7:4

Ngingo yaku îkariî ta nyomba ndaca na îgûrû ya mîguongo. Metho maku mekariî ta maria îtûûrarî rîa Heshiboni, vakuvî na kîvingo Kîam Bathi-rabimu. Îniûrû rîaku nî rîthaka ta nyomba ndaca na îgûrû ya Lebanoni, îrîa yerekerete îtûûra rîa Damesiki.

Jeremia 17:8

Ke ekariî ta mûtî ûvandîtwe rûtere rwa rûnjî, mîri yaguo îtambîte manjîrî. Rîrîa kwagîa na ûrugarî mûtî ûcio ndûmakaga, nîûndû mathangû maguo methagîrwa marî maigû vîndî cionthe. Ndûmakaga rîrîa gûtarî na mbura, nîûndû nîûthiîcaga na mbere gûciara.