Mûvunjia 2:24 - ÎVUKU RÎA ÛVORO MWARO

²⁴ Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Mûvunjia 2:24 ပူးပေါင်းရင်းမြစ်များ

1Atha 4:20

Andû a Juda na a Isiraeli maarî eengî ta mûthanga ûrîa wîthagîrwa ûrî rûtererî rwa îria. Nao maatûîre marîcaga, manyunyaga na makenaga.

Nehemia 8:10

Thiîni na kwenyu mîciî na mûthondeke kîrugo, mûrîe na mûnyue ndivei îrîa mbaro na mûgaîre arîa matarî na kîndû irio icio cienyu nîûndû ûmûnthî nî mûthenya mûtheru wa Mwathani wetû, kwoguo mûtikegue kîeva. Gîkeno Kîam Ngai-Mûnene nîkîo vinya wenyu.”

Mûvunjia 2:10

Nînaagîre na kîndû wa kîonthe kîrîa nendaga, na nînageririe mîthemba yonthe ya ikeno. Nînetîîagîra mawîra monthe marîa narutire, na ûcio nîguo warî mûcara wa wîra wakwa.

Mûvunjia 2:25

Nîûndû gûtirî kîndû ûngîrîa kana ûkenerere ûtavetwe nî Ngai.

Mûvunjia 2:3

Nîneciririe mûno ûrîa ngwîkenia na ndivei wa ndongoretue nî ûûgî, na ngîrûmagîrîra ûrimû nginya rîrîa ngaamenya maûndû maro mûno marîa andû mekaga kavinda kanini karîa matûûraga mwoyo.

Mûvunjia 3:22

Nînaacokire ngîmenya atî ûndû ûrîa mwaro mûno mûndû angîka nî gwîkenia na indo irîa acarîtie nîûndû ûguo nîguo avangîrîtwe. Gûtirî mûndû ûngîmenya ûrîa gûgekara arîkia gûkua.

Mûvunjia 5:17

Mûndû atûûraga arî ndumarî na thînarî, mîîtango, mîrimû na marakara.

Mûvunjia 6:12

Nû wicî maûndû marîa mûndû agîrîrwe nî kwîthîrwa namo kavinda kanini karîa mûndû agûtûûra mwoyo, ûtûûro ûrîa ûvîtûkaga ta kîruru na ûtarî vata? Nî ûrîkû gûkû nthî wicî maûndû marîa mûndû akaagîa namo akua?

Mûvunjia 6:2

Ngai avecaga andû ûtonga, indo, gîtîîo na nîguo ndagature kîndû wa kîonthe kîrîa eriragîria. Nwatî Ngai ndetîkagîria mûndû akenerere indo icio. Vandû va ûguo indo icio vamwe na ûtonga irîcagwa nî mûndû wîngî. Ûcio nî wîra wa mana na nî mûcûku mûno.

Mûvunjia 8:15

Kwoguo mbîtîkîtie atî andû nîmagîrîrwe nî gwîkenia, nîûndû gûkû nthî gûtirî ûndû mwaro ûkîrîte kûrîa, kûnyua na gwîkenia. Mau nîmo maûndû marîa mûndû agîrîrwe nî gwîka rîrîa akûruta wîra gûkû nthî gwa kavinda karîa Ngai amûveete ga gûtûûra mwoyo.

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Ciîko 14:17

Nwatî vîndî cionthe ke nîwîthîrîtwe akîonania na ma atî arî kuo na njîra ya maûndû maro marîa ekaga kûrî andû. Ke nîke urithagia mbura kuuma îgûrû na akamûva imera mavinda marîa magîrîru. Ke nîke ûmûvecaga irio na agecûria ngoro cienyu na gîkeno.”

1Akor 15:32

Ethîrwa naatongoretue nî merirîria ma kîûmûndû vîndî îrîa naarûaga na nyamû cia kîthaka kûu Efeso naagunîkire atîa? Nwatî ethîrwa akuû matikaariûkua, “Tigani tûrîe na tûnyue nîûndû rûyû nîtûgaakua.”

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:18

Nwatî mue, ciana cienyu, vamwe na ndungata cienyu cia arûme na cia aka, na Alawi arîa matûûraga matûûrarî menyu, mûkaarîcagîra matega mbere ya Ngai-Mûnene Ngai wenyu mûrî varîa Ngai-Mûnene Ngai wenyu akaathuura va kûgoocagîrwa na nî mûgaakenaga mûgîka maûndû monthe mûrî mbere ya Ngai-Mûnene Ngai wenyu.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.