Mûvunjia 2:23 - ÎVUKU RÎA ÛVORO MWARO

²³ Nîûndû ûtûûro wake wonthe wîcûrîtwe nî mathîna na wîra wake wonthe nî mîtango, wana ûtukû ndavurûkaga. Ûcio nî wîra wa mana.

Mûvunjia 2:23 ပူးပေါင်းရင်းမြစ်များ

Kîam 3:17

Nake Ngai-Mûnene, Ngai nîwerire Adamu atîrî, “Nîûndû wa kûthikîrîria mûkaguo, na warîa matunda ma mûtî ûrîa nagûkaanirie ndûkarîe, nthî nîîkûnyitwa nî kîrumi nîûndû waku. We ûkonaga irio cia kûrîa kuuma nthî na njîra ya mînoga.

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

Esita 6:1

Ûtukû ûcio mûthamaki ndoona toro. Nîwaugire avirîrwe îvuku rîrîa rîandîkîtwe maûndû marîa mekîkaga wa mûthenya na athomerwe.

Ayubu 14:1

“Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Ayubu 5:7

Nwatî kuuma mûndû aaciarwa nîonaga mathîna, mathandûkaga ta nthande cia mwaki.

Thaburi 127:2

Mûrutaga wîra wa mana rîrîa mûkûramûka tene, na mûkamamaga mûrî acerere, mûkîruta wîra na vinya nîguo mwone gîa kûrîa; Ngai-Mûnene avecaga arîa endete gîa kûrîa marî toro.

Thaburi 32:4

Nîwamverithagia ûtukû na mûthenya, we Ngai-Mûnene, naarî mûthiru vinya viû, ta ûrîa manjî manyaraga vîndî ya ûrugarî.

Thaburi 90:15

Tûma twîthîrwe tûrî na gîkeno mîaka mîîngî wata îrîa twîthîrîtwe tûrî na kîeva.

Mûvunjia 1:13

Nînatuire na ngoro atî nîngûtuîria na ûûgî maûndû monthe marîa mekagwa gûkû nthî. Ngai nîavete andû wîra mûrito wa kûruta marî gûkû nthî.

Mûvunjia 1:18

Wa ûrîa mûndû agîcaga na ûûgî mwîngî, nwaguo agîcaga na maûndû meengî ma kûmûrakaria, na wa ûrîa amenyaga maûndû meengî, nwaguo agîcaga na kîeva ngoro.

Mûvunjia 2:11

Nînaacokire ngîciria ûvoro wîgiî maûndû monthe marîa nekîte na mînoga îrîa nagîre ngîmeka. Nînaamenyire atî ûcio wonthe warî wîra wa mana na nîta kûvinyûrania na rûkûngi na warî ûndû ûtarî na umithio gûkû nthî.

Mûvunjia 5:12

Ndungata nîîmamaga waro ûtukû, wana ethîrwa îrîte irio nyîngî kana nini. Nwatî gîtonga kîrî indo nyîngî na ititûmaga kîona toro.

Mûvunjia 5:17

Mûndû atûûraga arî ndumarî na thînarî, mîîtango, mîrimû na marakara.

Mûvunjia 8:16

Rîrîa nageririe kûgîa na ûûgî na ngîona maûndû marîa andû mekaga gûkû nthî, nînamenyire atî nwa wîkare ûtamamîte mûthenya na ûtukû.

Danieli 6:18

Mûthamaki nîwacokire gwake mûciî, na akîraara ûtukû wonthe atoona toro, na ndaarîa kana anyua kîndû.

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”