Mûvunjia 2:21 - ÎVUKU RÎA ÛVORO MWARO

²¹ Kûrî mûndû ûrutaga wîra wa gûcaria indo na ûûgî, arî na ûmenyo na ûvoti. Nwatî mûthiiarî indo icio agaatigîra mûndû wîngî ûtaanairutîra wîra. Ûcio nî wîra wa mana na mûcûku!

Mûvunjia 2:21 ပူးပေါင်းရင်းမြစ်များ

2Maû 34:2

Josia nîwekire maûndû marîa maakenagia Ngai-Mûnene na nîwarûmîrîre mîthiîre ta îrîa yarî na îthe Daudi na nîwarûmîrîre mawatho monthe ma Ngai-Mûnene.

2Maû 35:18

Gûtirî pasaka ta îo yarî yanakûngûîrwa kuuma vîndî ya mûrathi Samueli kûu Isiraeli. Gûtirî mûthamaki wa Isiraeli mbererî wanakûngûîra pasaka ta îo yakûngûîrwe nî mûthamaki Josia, athînjîri-Ngai, Alawi na andû onthe a Juda na Isiraeli arîa maarî vo, na andû arîa matûûraga Jerusalemu.

Thaburi 39:7

Rîu Mwathani, mwîvoko wakwa ûrî kû? Mwîvoko wakwa ûrî kûrî we.

Thaburi 49:10

Mûndû wa wonthe nîaicî atî wana andû arîa aûgî nî makucaga, mûndû mûritu wana kîrimû nîmakucaga. Onthe matigagîra andû arîa engî ûtonga wao.

Thaburi 49:11

Mbîrîra nîcio mîciî yao tene na tene; kûrîa matûûraga ûtûûro wao wonthe, wana ethîrwa maarî na mîgûnda yao o ene.

Mûvunjia 2:20

Kwoguo nîneririre neciria ûvoro wa wîra wonthe ûrîa naarutîte na kîîo gûkû nthî.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 9:18

Ûûgî nî mwaro gûkîra indo cia mbaara, nwatî mûndû ûmwe mwîvia nwa acûkangie maûndû meengî maro.

Jeremia 22:15

Ûreciria we wî mûthamaki nîguo ûcindane na gûtuma nyomba na mîtarakwe? Aguo nîwarîre na akînyua, na akîonania kîvooto na ûthingu, na maûndû make maarî maro.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.