Mûvunjia 2:19 - ÎVUKU RÎA ÛVORO MWARO

¹⁹ Nû wicî kana akethîrwa arî mûûgî kana arî kîrimû? Kûnarî ûguo, indo cionthe irîa naacaririe gûkû nthî ngîtûmagîra ûûgî wakwa nwanginya ngaamûtigîra cio. Ûyû wana guo nî wîra wa mana.

Mûvunjia 2:19 ပူးပေါင်းရင်းမြစ်များ

1Atha 11:43

Nîwacokire agîkua na akîthikwa îtûûrarî rîa îthe Daudi; nake mûvîcî Rehoboamu nîwatuîkire mûthamaki vuva wake.

1Atha 12:13

Mûthamaki nîwaregire kûrûmîrîra mataaro marîa aaveetwe nî arûme arîa akûrû, na nîwarîrie andû na marûrû.

Mûvunjia 2:11

Nînaacokire ngîciria ûvoro wîgiî maûndû monthe marîa nekîte na mînoga îrîa nagîre ngîmeka. Nînaamenyire atî ûcio wonthe warî wîra wa mana na nîta kûvinyûrania na rûkûngi na warî ûndû ûtarî na umithio gûkû nthî.

Mûvunjia 2:20

Kwoguo nîneririre neciria ûvoro wa wîra wonthe ûrîa naarutîte na kîîo gûkû nthî.

Mûvunjia 3:22

Nînaacokire ngîmenya atî ûndû ûrîa mwaro mûno mûndû angîka nî gwîkenia na indo irîa acarîtie nîûndû ûguo nîguo avangîrîtwe. Gûtirî mûndû ûngîmenya ûrîa gûgekara arîkia gûkua.

Mûvunjia 9:13

Nînamenyire kîonereria kîngî Kîam ûûgî gûkû nthî, na kîonekaga kîrî Kîam vata mûno.

Luka 16:8

“Nakîo gîtonga kîu nîkîaganire mûmenyereri ûcio wa indo ûtaarî mwîvokeku na ûcio watûmîrîte wara mwîngî, nîûndû andû a gûkû nthî nî aara gûkîra andû arîa methagîrwa marî a ûtheri.”

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.