Mûvunjia 2:11 - ÎVUKU RÎA ÛVORO MWARO

¹¹ Nînaacokire ngîciria ûvoro wîgiî maûndû monthe marîa nekîte na mînoga îrîa nagîre ngîmeka. Nînaamenyire atî ûcio wonthe warî wîra wa mana na nîta kûvinyûrania na rûkûngi na warî ûndû ûtarî na umithio gûkû nthî.

Mûvunjia 2:11 ပူးပေါင်းရင်းမြစ်များ

Kîam 1:31

Ngai nîwaroririe indo cionthe irîa aaûmbire na akîona irî mbaro. Nakuo nîgwatukire na gûgîcoka gûgîkîa. Ûcio nîguo warî mûthenya wa gatandatû.

Thaburi 89:47

We Mwathani, ririkana ûrîa ûtûûro wakwa ûrî mûnini; ririkana atî andû onthe arîa waûmbire matûûraga kavinda kanini!

Ntha 39:43

Musa nîwaroririe wîra wonthe na akîona atî nîwarutîtwe wata ûrîa Ngai-Mûnene aathanîte. Kwoguo Musa nîwamarathimire.

Mûvunjia 1:14

Nîmonete maûndû monthe marîa mekagwa gûkû nthî na ngîona atî monthe nî ma mana nîûndû nîta kûvinyûria rûkûngi.

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 1:3

Mûndû agunîkaga na ndûî kuumana na mawîra monthe marîa arutaga gûkû nthî?

Mûvunjia 3:9

Mûndû agunîkaga na ndûî kuumana na mawîra make monthe marîa arutaga?

Mûvunjia 5:10

Mûndû ûrîa wendete mbeca ndeganagîra; na gûtirî mûndû wendete ûtonga ûkaagîa na ûtonga mwîganu. Wanaguo ûcio nî wîra wa mana.

Mûvunjia 5:16

Kûrî ûndû wîngî mûcûku mûno. Mûndû agaacoka wa ûrîa aaûkire. Mûndû arutaga wîra na vinya agîcaria indo, nwatî kûu nîta kûvinyûrania na rûkûngi.

Habakuku 2:13

Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.

1Tim 6:6

Gûtuîka Mûkristiano nî gûtûmaga mûndû agîe na ûtonga mûnene ethîrwa tu mûndû nîmwîganîru na kîrîa arî na kîo.