Mûvunjia 12:8 - ÎVUKU RÎA ÛVORO MWARO

⁸ Mûvunjia arauga atîrî, “Ûtûûro nî wa mana, nî wa mana.”

Mûvunjia 12:8 ပူးပေါင်းရင်းမြစ်များ

Thaburi 62:9

Andû onthe mekariî ta mîvevû tu; andû arîa marî îgweta na arîa matarî îgweta matirî vata. Ûngîmathima ûrito na kîthimi, matirî ûrito; onthe marî vamwe nîavûthû gûkîra mîvevû.

Mûvunjia 1:1

Ino nî ciugo cia mûvunjia, mûvîcî wa Daudi. Daudi aarî mûthamaki wa Jerusalemu.

Mûvunjia 1:12

Nie mûvunjia naarî mûthamaki wa Isiraeli na naatûûraga Jerusalemu.

Mûvunjia 1:14

Nîmonete maûndû monthe marîa mekagwa gûkû nthî na ngîona atî monthe nî ma mana nîûndû nîta kûvinyûria rûkûngi.

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 1:2

Mûvunjia nîwaugire atîrî: Ûtûûro nî wa mana, mana, nî wa mana, ûtûûro wonthe nî wa mana!

Mûvunjia 2:17

Kwoguo nînaamenire ûtûûro nîûndû maûndû monthe marîa mekagwa gûkû nthî maambîgwithagia kîeva. Maûndû mau monthe maarî ma mana; nî takwa naageragia kûvinyûrania na rûkûngi.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mûvunjia 6:12

Nû wicî maûndû marîa mûndû agîrîrwe nî kwîthîrwa namo kavinda kanini karîa mûndû agûtûûra mwoyo, ûtûûro ûrîa ûvîtûkaga ta kîruru na ûtarî vata? Nî ûrîkû gûkû nthî wicî maûndû marîa mûndû akaagîa namo akua?

Mûvunjia 8:8

Gûtirî mûndû ûrî na ûvoti wa kûgiria akua kana ûrî na ûvoti wa mûthenya wa gûkua. Îo nî mbaara tûtangîûra kuuma kûrî yo na waganu ndûngîvonokia mûndû mwaganu.