Mûvunjia 12:7 - ÎVUKU RÎA ÛVORO MWARO

⁷ Mwîrî ûgaacoka mûtheturî wa kûrîa waumire, naguo mwoyo ûcoke kûrî Ngai ûrîa waûvecanire.

Mûvunjia 12:7 ပူးပေါင်းရင်းမြစ်များ

Kîam 18:27

Nake Iburahimu nîwaririe rîngî akiuga atîrî, “Ngai-Mûnene njovera nîûndû wa kûmîrîria kûthiî na mbere na gûkwarîria. Nie nîrî mûndû tu na ndiagîrîrwe nî gûkwîra wanarî ûndû.

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Ayubu 20:11

Mavîndî make mecûrîte vinya wa wîthî nwatî wonthe ûkamama vamwe nake rûkûngûrî.

Ayubu 7:21

Nîkwa ûtangîndekera mevia makwa, na ûngirîre mavîtia makwa? Nîûndû kavinda gatarî karaca ngethîrwa nîrî mbîrîrarî, ûkanjaria nwatî ndikethîrwa nîrî vo.”

Thaburi 103:14

Nîûndû nîaicî ûrîa tûmbîtwe; nîaicî atî tûrî rûkûngû.

Thaburi 104:29

Rîrîa waitiganîria nîciîgucaga guoya, waruta mîvevû ya cio, nîikucaga igacoka rûkûngûrî kûrîa ciaumire.

Thaburi 146:4

Rîrîa akua acokaga rûkûngûrî, mûthenya wa ûcio akua nîrîo mîvango yake îthiraga.

Thaburi 31:6

We nîûmenete andû arîa magoocaga ngai cia mîvuanano, nwatî nie nî ngwîvokete, we Ngai-Mûnene.

Thaburi 90:3

Wîraga andû atîrî, “Cokani mûtheturî!” Nake mûndû nîacokaga mûtheturî kûrîa aaumire.

Isaia 57:16

Nîûndû ndigûtûûra ngararanagia tene na tene, kana ndûûre ndakarîte nîo vîndî cionthe. Nîûndû nîngîka ûguo, andû onthe nwa makwire, andû arîa nie naveere mwoyo.

Jeremia 38:16

Nake mûthamaki Zedekia nîwevîtire mbere ya Jeremia na nthitho akiugaga atîrî, “Wata ûrîa Ngai-Mûnene atûûraga mwoyo, Ngai ûrîa watûveere mwoyo, ndigaakûûraga, kana ngûrekereria kûrî andû aya marenda gûkûûraga.”

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Ndari 16:22

Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”

Ndari 27:16

“Ngai-Mûnene, Ngai, we kiumo Kîam ûtûûro wonthe, nîrakûvoya ûthuure mûndû wa kûrûngamîrîra andû aya ûrîa ûkaamatongoragia

Luka 23:46

Jesû nîwaugîrîrie na mûgambo mûnene atîrî, “Vava, nînakûnengera mwoyo wakwa.” Na arîkia kuga ûguo agîtuîkana.

Ciîko 7:59

Na rîrîa maarivaga Stefano na mathiga, Stefano nîwavoire akiuga atîrî, “Mwathani Jesû amûkîra roho wakwa!”

Ahib 12:23

Nîmûkîte kîgomanorî Kîam andû arîa akenu, na nîo marikithathi ma Ngai. Marîîtwa mao nîmandîkîtwe kûu îgûrû. Nîmûkîte kûrî Ngai ûrîa ûtucagîra andû onthe, na kûrî maroho ma andû arîa athingu arîa maatwirwe akinyanîru.

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!