Mûvunjia 12:5 - ÎVUKU RÎA ÛVORO MWARO

⁵ Nîûkegua guoya ya kûndû kûrîa gûtûgîru na guoya ya kûthiî na magûrû njîrarî. Njuîrî ciaku nîikaagîa mbuî na nîûkaaremwa nî gwîtwara na magûrû, na merirîria ma maku nîmakaathira. Vîndî îo wa mûndû akaathiî mûciî wake wa tene na tene, na nîgûkethîrwa kûrî na macakaya njîrarî.

Mûvunjia 12:5 ပူးပေါင်းရင်းမြစ်များ

Kîam 42:38

Nwatî Jakovu nîwaugire atîrî, “Tîmûthiî na mûvîcîwa, nîûndû mûrwang'ina nîwakwire. Benjamini nîke tu ndigîrîtwe. Avota kwona mûtino rûgendorî rûu mûthiîte na nwa ngue nîûndû wa kîeva na nî mûrona nîrî mûkûrû.”

Kîam 44:29

Ethîrwa nîmûgwoca ûyû wanake kuuma kûrî nie na acoke one mûtino rûgendorî rûu mûthiîte, nîmûgûtûma ngîe na kîeva kîngîmbûraga nîrî mûthuuri mûkûrû.’

Kîam 44:31

rîrîa akoona atî tûtirî nake nîkwa agaakua nîûndû wa kîeva nîûndû wa ûrîa amwendete.

Ayubu 15:10

Gatagatî getû kûrî na athuuri akûrû na marî na mbuî, na akûrû gûkîra aguo.

Ayubu 17:13

Nîngîtua kwa arîa akuû takuo mûciî, na nîngîmama kûu ndumarî,

Ayubu 30:23

Nîmbicî atî ûmvirîte gîkuûrî, kûrîa andû arîa marî mwoyo mathiîcaga.

Thaburi 71:18

Rîu nîrî mûkûrû na nîrî na mbuî ndûkandiganîrie, we Ngai, îkaraga nanie nginya rîrîa ngaanîrîra vinya waku kûrî njiarwa cionthe irîa igaaûka.

Nthi 16:31

Mbuî nîta nthûmbî ya riiri, îvecagwa mûndû ûrîa ûtûûrîte na njîra ya ûthingu.

Nthi 20:29

Riiri wa andû ethî nî vinya wao, nacio mbuî nî ûthaka wa andû arîa akûrû.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Isaia 46:4

Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Jeremia 1:11

Ngai-Mûnene nîwambîrire atîrî, “Jeremia nîndûî ûrona?” Nanie nînamûcokerie atîrî, “Nîrona rûvûa rwa mûtî wa mûrothi.”

Jeremia 9:16

Nîngamanyagania mavûrûrirî marîa o wana methe mao mataicî na nîngatûma athigari a mbaara mamarûmîrîrie nginya nîmaûrage nîmathirie viû.”

Alawi 19:32

“Vecagani andû arîa akûrû gîtîîo, na mûmbathîkagîre; Nie nînie Ngai-Mûnene.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.