Mûvunjia 12:4 - ÎVUKU RÎA ÛVORO MWARO

⁴ na matû maku matikegua înegene rîrîa rîkethîrwa njîrarî. Vîndî îo ûkeegucaga mûgambo wa kîthîi ûrî mûnini mûno na aini a nyîmbo makeguîka makina na kamûgambo kanini mûno. Nwatî ûtukû nîûkaaramûkua nî mûgambo wa gîconi.

Mûvunjia 12:4 ပူးပေါင်းရင်းမြစ်များ

2Sam 19:35

Rîu nîrî na ûkûrû wa mîaka mîrongo înana na gûtirî ûndû wanarî ûmwe ûngenagia. Ndiîgucaga mûcamo wa kîrîa ngûrîa kana kîrîa ngûnyua, kana mbîgua mîgambo ya andû makina. Kwoguo nîmbîthîrwa nîrî mûrigo kûrî we, mwathi wakwa.

Ayubu 41:14

Nû ûngîgeria kûmîathamûra nthîa ciayo? Magego ma yo marî na guoya nyîngî.

Isaia 47:2

Oca mathiga ma kîthîi na ûthîe mûtu! Ruta gîtambaa gîaku gîa kûthitha ûthiû, ûrute nguo yaku îrîa ndaca! Gucagucia nguo ciaku na îgûrû, nîguo ûringe nyûnjî.

Jeremia 25:10

Nîngakiria arîa onthe makethîrwa makîanîrîra marî na gîkeno na macanjamûkîte wana arîa makethîrwa makinîra mûviki na mûvikania. Mîgambo ya ithîi ndîkeguîka na taa nîikavorua.

Kûguû 18:22

Andû makîvûra ngita, na makina kana makîvuva mîtûrirû na tûrumbeta matikeguwa îtûûrarî rîu rîngî. Gûtirî mûndû ûkoonekana akîruta wîra wa mbiacara, kana kwîguwa mûgambo wa kîthîi gîkîthîa rîngî!