Mûvunjia 12:11 - ÎVUKU RÎA ÛVORO MWARO

¹¹ Ciugo cia andû aûgî ciîkariî ta mîragi mîûgî îrîa îtûmagîrwa nî arîthi ya gûtongoria ng'ondu, na nthimo icokanîrîrîtue vamwe ciîkariî ta mîcumarî îmundîrîrîtwe vandû waro ivecanîtwe nî Ngai mûrîthi wa andû onthe.

Mûvunjia 12:11 ပူးပေါင်းရင်းမြစ်များ

Kîam 49:24

Nwatî ûta wake ndwainainaga, njara ciake nîciîkagîrwa vinya, nî Ngai mwene vinya wonthe Ngai wa Jakovu, rîîtwarî rîa Mûrîthi Mûgitîri wa Isiraeli.

Ezira 9:8

Nwatî Ngai-Mûnene, Ngai wetû, gwa kavinda kanini wîthîrîtwe ûgîtwîguîra ntha na ûgatûma amwe etû tuume ûkomborî na tûtûûre kûndû gûkû kûtheru tûrî agitîre.

Thaburi 23:1

Ngai-Mûnene nîke mûrîthi wakwa, gûtirî kîndû nîngîtura.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Nthi 1:6

nîguo mataûkagîrwe nî nthimo na ngerekano, mîario ya andû arîa aûgî na ndaî ciao.

Nthi 10:21

Ciugo cia mûndû mûthingu igunaga andû eengî, nwatî irimû ikucaga nîûndû wa gûtura ûmenyo.

Nthi 22:17

Vingûra matû wîgue ciugo cia arîa aûgî, thikîrîria wîgue mataaro makwa.

Mûvunjia 10:12

Ciugo cia mûndû mûûgî nîitûmaga atîwe, nwatî kîrimû gîcûkangagua nî mîario yakîo.

Mûvunjia 7:5

Kava kûthikîrîria ûgîkanua nî mûndû mûûgî, gûkîra kûthikîrîria irimû ikiina nyîmbo.

Isaia 22:23

Nîngaavanda Eliakimu na kinyi ta mûcumarî ûvûrîrîtwe vandû na nîakaavewa gîtîîo nî andû a nyomba ya îthe.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Jeremia 23:29

Ngai-Mûnene arauga atî, kiugo gîakwa nîta mwaki; nîta nyondo îrîa yatûranagia mathiga magatuîka icunjî.

Ezek 34:23

Nîngaaithuurîra mûrîthi ûmwe, na nîke Daudi ndungata yakwa na nîagaatuîka mûrîthi wacio. Nîakaairîthia waro na aimenyagîrîre.

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Johana 10:14

Nie nînie mûrîthi ûrîa mwaro. Nîmbîcî ng'ondu ciakwa nacio ng'ondu ciakwa nîimbîcî,

Johana 3:10

Jesû nîwamûcokerie atîrî, “Kûngîvoteka atîa gûtuîke atî we ndwîcî ûndû ûyû na wî mwarimû wî ngumo nene vûrûrirî wa Isiraeli?

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

2Akor 10:4

Indo cia mbaara irîa tûtûmagîra mbaararî yetû tî cia gûkû nthî, nwatî nî vinya wa Ngai. Vinya ûcio nîguo tûtûmagîra gûcûkangia vinya wa nthû cietû na kûthiria ngarari.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.