Mûvunjia 12:1 - ÎVUKU RÎA ÛVORO MWARO

¹ Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Mûvunjia 12:1 ပူးပေါင်းရင်းမြစ်များ

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

Kîam 39:23

Mûrûngamîrîri wa njera ndaatindanagîra na ûndû wana ûrîkû wa marîa meethagîrwa makîmenyererwa nî Josefu, nîûndû Ngai-Mûnene aarî vamwe na Josefu. Ûndû wa wonthe ûrîa Josefu eekaga Ngai-Mûnene nîwatûmaga ûmûthatûke.

2Sam 19:35

Rîu nîrî na ûkûrû wa mîaka mîrongo înana na gûtirî ûndû wanarî ûmwe ûngenagia. Ndiîgucaga mûcamo wa kîrîa ngûrîa kana kîrîa ngûnyua, kana mbîgua mîgambo ya andû makina. Kwoguo nîmbîthîrwa nîrî mûrigo kûrî we, mwathi wakwa.

2Sam 19:36

Ndiagîrîrwe nî gwîkwa ûndû mûnene ûguo. Kwoguo nîngûringia Jorodani ngumagarie vanini,

1Atha 14:13

Andû onthe a Isiraeli nîmakaamûcakaîra macoke mamûthike. Nîke wenga kuuma mûciî wa Jeroboamu ûrîa ûkaathikwa, nîûndû nîke wenga tu ûkenetie Ngai-Mûnene, Ngai wa Isiraeli.

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

Nehemia 4:14

Nînaroririe ngîona atî andû maarî amaku mûno. Kwoguo nînameerire wa vamwe na atongoria na anene ao atîrî, “Mûtikamakue nî nthû cietû. Ririkanani ûrîa Mwathani arî mûnene na arî vinya na mûrûîrîre andû enyu, ciana cienyu, aka enyu, na mîciî yenyu.”

Ayubu 30:2

Nî ûtethio ûrîkû nîngîona kuuma kûrî andû ta aya, andû maathirirwe nî vinya?

Thaburi 119:55

We Ngai-Mûnene, nîngûririkanaga ûtukû, na ngathîkîra watho waku.

Thaburi 34:11

Ûkani kûrî nie mue anake mûnthikîrîrie, nîngûmûthomithia kûgooca Ngai-Mûnene.

Thaburi 63:6

Nîngûririkanaga mamîte ûrîrî; na ngeciria ûvoro waku ûtukû mûgima,

Thaburi 90:10

Ûtûûro wetû nîwa mîaka mîrongo mûgwanja, kana ethîrwa tûrî na vinya tûgîkinyia mîaka mîrongo înana; nwatî wîcûrîtwe nî mathîna na mînyamaaro; mîaka îo îthiraga na îvenya natue tûgacoka tûkathira.

Nthi 22:6

Thomithia mwana njîra îrîa agîrîrwe nî kûthiîra, na wana akûra ndakaariganîrwa nîyo.

Nthi 8:17

Nîmendete arîa mamendete, na arîa manjaragia na kinyi nîmamonaga.

Mûvunjia 11:10

Thiria mîtango ngororî yaku na wîrigagîrîrie ûndû ûrîa ûngîtûria mwîrî waku, nîûndû wîthî na mûthiia wa ûtûûro nî cia mana.

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Mûvunjia 11:8

Mûndû angîtûûra mîaka mîngî nîakenage mîaka yonthe. Nwatî aririkane atî mîaka ya nduma îkethîrwa îrî mîngî. Maûndû monthe marîa mekîkaga vuva nî ma mana.

Isaia 26:8

We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Maca 3:27

Nî waro mûndû kwîruta gûkirîrîria, vîndî îrîa arî mwîthî.

Danieli 1:17

Ngai nîwavere anake aya ana ûtaûku na wara kîthomorî na ûgîîrî wao. Îgûrû rîa mau, nîwavere Danieli kîveo gîa gûtaûra cioneki na iroto.

Hosea 7:9

Ageni nîmamûthirîtie vinya, na ke mwene ndaicî. Kîongo gîake kîonthe gîcûrîte mbuî, na ke mwene ndaramenya.

Luka 1:15

Nîûndû nîagaatuîka mûndû mûnene methorî ma Mwathani. Nake ndakaanyua ndivei wana kana anyue njovi. Kuuma gûciarwa gwake nîakethîrwa ecûrîtwe nî Roho Mûtheru.

Luka 18:16

Nwatî Jesû nîwetire twana tûu akiuga atîrî, “Îtîkîriani twana tûke kûrî nie. Tigani gûtûgiria, nîûndû Ûthamaki wa Ngai nî wa arîa mekariî ta twana tûtû.

Aefeso 6:4

Mue aciari tigagani gwîka ciana cienyu maûndû marîa mangîtûma irakare. Vandû va ûguo, imenyagîrîreni na mûitaarage ciîkage wata ûrîa mûndû ûrîa wîtîkîtie Mwathani agîrîrwe nî gwîka.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

1Sam 1:28

Kwoguo nie nînavecana mwana ûyû kûrî Ngai-Mûnene vîndî îrîa yonthe agûtûûra mwoyo akethagîrwa arî wa Ngai-Mûnene.” Nao makîgooca Ngai-Mûnene marî kûu.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.

1Sam 2:26

Nake Samueli nîwathiîre na mbere gûkûra akîendagwa nî Ngai-Mûnene wana andû.