Mûvunjia 11:9 - ÎVUKU RÎA ÛVORO MWARO

⁹ We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 11:9 ပူးပေါင်းရင်းမြစ်များ

Kîam 3:6

Nake mûndûmûka nîwonire ûrîa mûtî ûcio warî mûthaka na ûrîa matunda maguo maarî maro ma kûrîwa, na atî warî wa kwîrirîrua nîûndû wa kûva mûndû ûgî. Kwoguo nîwatuire matunda ma mûtî ûcio akîrîa. Nîwacokire akîva mûthuuriwe mamwe, wa nake akîrîa.

Kîam 6:2

ciûmbe cia îgûrû nîcionire erîtu acio a andû marî athaka mûno. Ciûmbe icio nîciethuurîre erîtu amwe matuîke aka ao.

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

1Atha 18:27

Rîrîa thaa thita cia mûthenya ciakinyire, Elija nîwambîrîre kûmathekerera akîmeeraga atîrî, “Voyani mugîrîrîtie mûno, nîûndû ke nî ngai! Nwaethîrwe arî na maûndû areciria, kana arî na kaûndû areka, kana nîmûthiîu rûgendo! Kana nwa ethîrwe amamîte, na nwanginya mûmûramûkie!”

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

Ayubu 31:7

Ethîrwa nînyumîte njîrarî îrîa ya ma, na ngoro yakwa îkerirîria maûndû marîa monaga, na ethîrwa njara ciakwa irî na gîko nîûndû wa mevia;

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Mûvunjia 12:1

Ririkanaga ûrîa wakûmbire vîndî îrîa ûrî mwîthî, mbere ya kavinda gakinya rîrîa ûkaauga atîrî, “Ndirakenerera ûtûûro.”

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Mûvunjia 2:10

Nînaagîre na kîndû wa kîonthe kîrîa nendaga, na nînageririe mîthemba yonthe ya ikeno. Nînetîîagîra mawîra monthe marîa narutire, na ûcio nîguo warî mûcara wa wîra wakwa.

Mûvunjia 3:12

Kwoguo nînaamenyire atî ûndû ûrîa mwaro mûndû angîka nî gûkena na gwîkenia ûtûûrorî wake wonthe.

Mûvunjia 3:17

Nînaîrire na ngoro atîrî, “Ngai agaatuîra andû arîa athingu wana arîa aganu nîûndû nîavangîte mavinda ma ûndû wa wonthe na wîra wonthe.”

Mûvunjia 6:9

Ûcio wana guo nî wîra wa mana na nî ta kûvinyûrania na rûkûngi. Nîwaro mûndû kwîganîra na kîrîa arî nakîo gûkîra gwîtanga nîguo ûgîe na kîndû kîngî.

Mûvunjia 7:14

Vîndî îrîa maûndû maku marî maro kenaga, na vîndî ya mathîna ririkanaga atî: Ngai arûthîte maûndû maro wana macûku nîguo mûndû ndakamenye ûrîa gûgeekara vuva wa gûkua.

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 7:24

Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Maca 3:27

Nî waro mûndû kwîruta gûkirîrîria, vîndî îrîa arî mwîthî.

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Ndari 15:39

Mûkethagîrwa mûrî na igaaci icio nîguo mwairoria mûkaririkana maathani monthe makwa na mûkamavingia. Kwoguo mûtikaandiganîria nîguo mûrûmîrîre wendi wa ngoro cienyu na meciria menyu.

Ndari 22:32

Nake Mûraika wa Ngai-Mûnene nîwamûririe atîrî, “Nîndûî gîatûma ûringe mvunda yaku ûguo maita mathatû? Naûka gûkûrigîrîria nîûndû ndwagîrîrwe nî kûthiî rûgendo rûrû.

Mathaayo 5:28

Nwatî rîu nîramwîra atî: mûndû wa wonthe ûroragia mûndûmûka na akerirîria kûmenyana kîîmwîrî nake, nîarîkîtie kûtharia na mûndûmûka ûcio ngororî yake.

Luka 12:19

Na nîngûcoka nîîre atî nie nîrî na mûnyaka. Nîrî na indo nyîngî cia kûmbîgana mîaka mîîngî. Rîu nîmbîkara nthî nîguo ndîe na nyue ngenete!’

Ciîko 14:16

Vingo ya tene Ngai nîwetîkagîria andû onthe meke wa ûrîa meendaga.

Ciîko 24:25

Nwatî vîndî îrîa Paûlo aathiîcaga na mbere kwaria ûvoro wîgiî ûthingu, ûvoti wa kwatha merirîria ma mwîrî na mavinda marîa Mûthenya wa îtuîro ûgaakinya, Feliki nîwanyitirwe nî guoya na akiuga atîrî, “We nwa ûthiî rîu. Nagîa na kanya nîngaagwîta rîngî.”

Aroma 14:10

Nîndûî gîtûmaga mûtuîre andû arîa engî? Nîndûî gîtûmaga mûnyarare aamûrûwanyûkwe? Tuonthe nîtûkaarûngama mbere ya Ngai na nîke ûgaatûtuîra.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.