Mûvunjia 11:5 - ÎVUKU RÎA ÛVORO MWARO

⁵ Wata ûrîa ûtaicî ûrîa mwoyo ûtonyaga kûrî kaana îvurî rîa ng'ina, nwaguo ûtaicî wîra wa Ngai ûrîa wîkaga maûndû manene.

Mûvunjia 11:5 ပူးပေါင်းရင်းမြစ်များ

Ayubu 37:23

Tûtingîvota gûkuvîvîria Ngai Mwene Vinya; ke arî ûvoti mwîngî na kîvooto, ke ecûrîtwe nî wega na ndavinyanagîrîria.

Ayubu 38:4

“Warî kû rîrîa narûthaga mîcingi ya nthî? Mbîîra ethîrwa ûrî na ûmenyo.

Ayubu 5:9

Ke ekaga maûndû manene tûtangîvota gûtarîria, maûndû ma magegania matangîtarîka.

Thaburi 104:24

We Ngai-Mûnene, nîwîkîte maûndû meengî mûno! Wathondekire monthe na ûûgî! Nthî îcûrîte ciûmbe ciaku.

Thaburi 40:5

Nîûtwîkîrîte maûndû meengî ma magegania, we Ngai-Mûnene, Ngai wetû; gûtirî wîngî tawe! Ndingîvota kwaria ûvoro wamo monthe, nîûndû nî meengî mûno!

Thaburi 92:5

We Ngai-Mûnene, kaî maûndû marîa wîkaga nî manene-î! Meciria maku nî marikîru mûno!

Mûvunjia 1:13

Nînatuire na ngoro atî nîngûtuîria na ûûgî maûndû monthe marîa mekagwa gûkû nthî. Ngai nîavete andû wîra mûrito wa kûruta marî gûkû nthî.

Mûvunjia 1:6

Rûkûngi rûvurutanaga rûthiîte mwena wa îveti, na rûkavurutana rûthiîte mwena wa rûgûrû. Rûvurutanaga rûthiîûrûrûkîte rûgacoka varîa rwambagîrîria.

Mûvunjia 11:4

Mûndû ûrîa wetagîrîra rûkûngi ndavandaga, na mûndû ûrîa wetagîrîra matu mathire ndakethaga.

Mûvunjia 3:10

Nîndoretie maûndû waro marîa Ngai avete andû marutage ûtûûrorî wao.

Mûvunjia 3:11

Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Mûvunjia 7:24

Nî vinya mûno kûmenya maûndû monthe, na gûtirî mûndû ûngîvota kûmenya maûndû monthe.

Mûvunjia 8:17

Nînaacokire ngîmenya atî mûndû ndangîvota kûmenya maûndû marîa Ngai ekaga gûkû nthî. Andû arîa aûgî nwa mauge atî nîmaicî, nwatî maticî.

Isaia 40:28

Anga mue mûtiîcî? Anga mûtirî egu? Ngai-Mûnene nîke Ngai ûrîa ûtûûraga tene na tene, nîke mûmbi wa indo cionthe cia nthî. Ke ndathiraga vinya kana anoga, ûmenyo wake ndûngîmenyeka nî mûndû.

Johana 3:8

Rûkûngi rûvurutanaga rûthiîte wa kûrîa rûkwenda na mûndû nîwîgucaga mûrurumo waruo, nwatî ndamenyaga na kûrîa rumîte kana na kûrîa rûthiîte. Ûguo nwa ta guo gwîkîkaga kûrî mûndû wa wonthe ûciarîtwe nî Roho Mûtheru.”

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?