Mûvunjia 10:19 - ÎVUKU RÎA ÛVORO MWARO

¹⁹ Irio nîitûmaga mûndû agîe na gîkeno, ndivei îgacanjamûra mûndû ûtûûrorî, na mbeca nîcio itûmaga maûndû mau mekîke.

Mûvunjia 10:19 ပူးပေါင်းရင်းမြစ်များ

Kîam 43:34

Nîmaaveerwe irio kuuma metharî ya Josefu, na Benjamini akîvewa irio maita matano ma irîa ciaverwe acio engî. Kwoguo nîmaarîre, makînyua na magîkenanîra na Josefu.

2Sam 13:28

na akîatha ndungata ciake agîciîra atîrî, “Tuîriani mûmenye waro vîndî îrîa Amunoni agaatuîka mûrîu, na rîrîa ngaamwîra mûmûrage, mûgeka guo. Mûtigetigîre nîûndû nînie ngaûrua nwatî tî mue. Îyûmîrîrieni na mûgîe na ûcamba!”

1Maû 21:24

Nwatî mûthamaki Daudi nîwerire Orinani atîrî, “Naarî, nîngûkûrîva thogora wonthe. Tîndutîra Ngai-Mûnene matega ma indo ciaku kana matega ma kûvîvua ma indo ndagûrîte.”

Ezira 1:6

Andû onthe arîa maariganîtie nao nîmaamavere ûtethio wa indo cia sîlûva na thaavu, na indo ciîngî nyîngî, na nyamû irîa irîthagua na indo cia goro, vamwe na indo cia matega cia hekarû.

Nehemia 5:8

na ngîmera atîrî, “Tue, kûringana na ûvoti wetû twîthîrîtwe tûkîgûra andû etû a Ayahudi arîa meendetue kûrî andû a Ndûrîrî nîguo macoke kûrî tue. Nwatî mue mwendagia aa mûrwanyûkwe nîguo natue tûcoke twenderue o!” Atongoria acio nwa gûkira maakirire matarî na ûndû mangiuga.

Esita 1:10

Mûthenya wa mûgwanja kuuma kîrugo Kîammbîrîria, mûthamaki aarî mûnyuu ndivei na agacanjamûka. Nake nîwetire ngaramba ciake irîa ciakarambithîtue nîûndû wa gûtungata kwa mûthamaki. Nao nî: Mehumani, Bizitha, Haribona, Bigatha Zethari na Karikasi.

Thaburi 104:15

na ndivei ya kûmacanjamûra, maguta ma ndamaiyû ma kûmûkenia, na irio cia gûtûma agîe na vinya.

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Mûvunjia 2:3

Nîneciririe mûno ûrîa ngwîkenia na ndivei wa ndongoretue nî ûûgî, na ngîrûmagîrîra ûrimû nginya rîrîa ngaamenya maûndû maro mûno marîa andû mekaga kavinda kanini karîa matûûraga mwoyo.

Mûvunjia 9:7

Thiî ûkarîe irio ciaku ûkenete na ûnyue ndivei yaku ûcanjamûkîte, nîûndû Ngai nîetîkîrîte wîra waku.

Isaia 23:18

Mbeca irîa rîkaagîa nacio ikaamûrîrwa Ngai-Mûnene. Mbeca icio itikaigwa, nwatî nîigaatûmîrwa nî arîa magoocaga Ngai-Mûnene kûgûra irio nyîngî na nguo mbaro.

Isaia 24:11

Kûrî na kîrîro na kûu njîrarî nîûndû wa gûtura ndivei; gîkeno kîonthe nî kîthiru; nthî ndîrî na gîkeno.

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Luka 12:19

Na nîngûcoka nîîre atî nie nîrî na mûnyaka. Nîrî na indo nyîngî cia kûmbîgana mîaka mîîngî. Rîu nîmbîkara nthî nîguo ndîe na nyue ngenete!’

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 8:3

na Joana mûka wa Kuza, mûthuuri ûrîa wamenyagîrîra indo cia Herode, na Susana wa vamwe na aka eengî arîa maatûmagîra indo ciao magîtethereria Jesû na arutwa ake.

Ciîko 11:29

Nao arutwa nîmaatwire marute mbeca kûringana na ûvoti wa mûndû wa mûndû nîguo matethie etîkia arîa maatûûraga Judea.

Ciîko 2:45

Mavinda na mavinda etîkia nîmeendagia ithaka wana indo ciao na makagaania mbeca icio kûringana na ûrîa wa mûndû aavataraga.

1Pet 4:3

Mavinda mavîtûku mwîthîrîtwe mûgîka maûndû marîa andû arîa matetîkîtie Ngai meriragîria gwîka. Mûtûûrîte mûgîkaga maûndû ma ûra nthoni, mûrî na merirîria macûku, ûrîu, marugarî marîa matagîrîrîte ma waganu na mûgîkaga maûndû marî na nthoni ma kûgooca mîvuanano.

Atir 14:10

Îthe wa Samusoni nîwathiîre kûgîra mûndûmûka ûcio na Samusoni akîthondeka kîrugo kuo kûringana na mîtugo ya anake.

Atir 9:13

Nwatî mûthavibu nîwacokirie atîrî, ‘Mûrenda ndigane na wîra wa kûthondeka ndivei yakwa îrîa îtûmaga ngai ikene na andû makene nîguo nîmwathage?’

1Sam 25:36

Abigaeli nîwacokire mûciî kûrî Nabali na nîwamwîthîre arî na kîrugo ta Kîam mûthamaki. Nabali aarî mûrîu wa ndivei mûno na arî mûkenu. Kwoguo Abigaeli ndaamwîra wanarî ûndû nginya kîraûko kîu kîngî.