Mûvunjia 10:12 - ÎVUKU RÎA ÛVORO MWARO

¹² Ciugo cia mûndû mûûgî nîitûmaga atîwe, nwatî kîrimû gîcûkangagua nî mîario yakîo.

Mûvunjia 10:12 ပူးပေါင်းရင်းမြစ်များ

2Sam 1:16

Daudi nîwerire Mûmaleki ûcio atîrî, “Nthakame yaku îrogûcokerera nîûndû we nîwe waumbûra na kanyua gaku atî nîwe waûragire mûndû ûrîa Ngai-Mûnene aathuurire nîguo atuîke mûthamaki.”

Ayubu 16:5

Nîngîrî kûmûva ciugo cia kûmûmîrîria, na mîario yakwa ya kûmûmîrîria nîîngîramûva thayû.

Thaburi 140:9

Ndûkareke nthû ciakwa ivootana, ciugo ciao njûku iromacokerera.

Thaburi 37:30

Andû arîa athingu maragia ciugo cia ûûgî, na maragia ciugo cia waragania.

Thaburi 64:8

Nîakaamacûkangia nîûndû wa ciugo ciao; arîa onthe makaamona nîmakaainainia ciongo.

Nthi 10:10

Mûndû ûrîa ûthithagîrîra ûma nîatûmaga kûgîe na thîna, nwatî mûndû ûrîa waragia ûma aûmîrîrîtie nîatûmaga kûgîe na thayû.

Nthi 10:8

Andû arîa marî ûûgî wa ngoro nîmavingagia maathani, nwatî andû arîa maragia ûrimû mecûkangagia o ene.

Nthi 12:18

Ciugo njûku iguraragia ta rûviû, nwatî ciugo cia mûndû mûûgî nîivonagia kîronda.

Nthi 15:2

Andû aûgî maragia maûndû marî na ûmenyo, nwatî irimû ciaragia maûndû matarî vata.

Nthi 15:23

Kuga ûndû ûrîa mwagîrîru nî gûtûmaga mûndû agîe na gîkeno, na kuga ûndû vîndî îrîa mbagîrîru nî ûndû mwaro.

Nthi 19:5

Mûndû ûrîa ûrutaga ûira wa maveeni nîakaaverithua, na mûndû ûrîa waragia maveeni ndakaarekererua.

Nthi 22:11

Mûndû ûrî ngoro ntheru na mîario ya ntha, mûthamaki nîagaatuîka mûrata wake.

Nthi 26:9

Mûndû mûritu akîgeria gûtûmîra nthimo, nîta mûrîu akîgeria gwîkûûra mwîgua njara.

Nthi 31:26

Aragia na ciugo irî na ûûgî, na nîataaraga andû arîa engî arî na wendo.

Mûvunjia 12:11

Ciugo cia andû aûgî ciîkariî ta mîragi mîûgî îrîa îtûmagîrwa nî arîthi ya gûtongoria ng'ondu, na nthimo icokanîrîrîtue vamwe ciîkariî ta mîcumarî îmundîrîrîtwe vandû waro ivecanîtwe nî Ngai mûrîthi wa andû onthe.

Mûvunjia 4:5

Kîrimû Kîamrega kûruta wîra mûthiiarî gîkucaga nî yûra.

Mûvunjia 5:2

Îîciragie waro mbere ya kwaria ûndû, na ndûkaavinyûre kwîrîra Ngai ûndû, nîûndû Ngai arî îgûrû na we wî gûkû nthî. Kwoguo ndûkarie maûndû meengî.

Mûvunjia 5:6

Ndûkareke ciugo ciaku itûme wîvie nîguo ndûkathiî kwîra mûthînjîri-Ngai atî wevirie ûtakûmenya. Ndûgatûme Ngai arakare na acûkangie wîra waku ûrîa ûrutîte.

Mûvunjia 9:17

Nî kava kûthikîrîria ciugo cia mûndû mûûgî ciarîtue na ûvoreri gûkîra kûthikîrîria înegene rîa mûthamaki akîarîria irimû.

Mathaayo 12:35

Mûndû mwaro aragia maûndû maro marîa aigîte ngororî yake. Nake mûndû mûcûku aragia maûndû macûku marîa aigîte ngororî yake.

Luka 19:22

Nake mûnene ûcio nîwamîrire atîrî, ‘We ndungata îno mbaganu! Mîario îo waria na kanyua kau gaku, nwayo ngûgûtuîra nayo! Kwoguo nîwecî atî nie nîrî mûndû wa ngoro nyûmû, mûndû wocaga kîrîa atathithinîrîte na agaketha kîrîa atavandîte!

Luka 4:22

Andû onthe nîmaakenirue mûno nîke na makîmaka, nîûndû wa mîario mîaro îrîa aaragia. Nao nîmaambîrîrie kûrania atîrî, “Na kinthî ûyû tî mûvîcî wa Josefu?”

Aefeso 4:29

Tigagani kwaragia mîario îno mîcûku, nwatî aragiani mîario îrîa mîaro îrî na umithio kûrî andû na ya kûmatethia na kîrîa mavatarîte. Nao andû arîa makegucaga mûkîaria magekagwa waro nî mîario îo.

Akol 4:6

Vîndî cionthe mîario yenyu nî îthagîrwe îrî mîaro na ya kwendeka, na mûmenyage ûrîa mwagîrîrwe nî gûcokeria andû onthe ciûria na njîra mbaro.