Mûvunjia 10:10 - ÎVUKU RÎA ÛVORO MWARO

¹⁰ Ethîrwa îthanwa rîrîa ûratema narîo nî rîtuvu, nwanginya ûtûmîre vinya nyîngî nîguo rîteme, nwatî ûûgî nî ûgunaga mûndû.

Mûvunjia 10:10 ပူးပေါင်းရင်းမြစ်များ

1Atha 3:9

Kwoguo mva ûûgî ûrîa mvatarîte nîguo mvote gûtongoria andû aku, na mvotage gûkûûranagia maûndû maro na maûndû macûku, nîûndû nîûrîkû ûngîvota gûtongoria andû aya aku eengî ûguo?”

1Maû 12:32

Kuuma mûvîrîgarî wa Isakaru kwarî na andû maarî na ûûgî wa kûmenya maûndû marîa magekîka na ûrîa andû a Isiraeli magîrîrwe nî gwîka. Andû acio maarî atongoria magana maîrî (200) vamwe na andû ao arîa maarî rungu rwao.

Mûvunjia 10:11

Njoka îngîrûma mûndû mbere ya îvenererua, mûmîveenereria ndarî na vata.

Mûvunjia 10:15

Wîra ûrîa kîrimû kîrutaga nîûtûmaga kînoge, gîkariganîrwa nî njîra ya gûcoka mûciî.

Mûvunjia 10:9

Mûndû ûrîa wînjaga mathiga ativagua nîmo, na mûndû ûrîa watûraga mîtî ativagua nî yo.

Mûvunjia 2:13

Nînaacokire ngîmenya atî ûûgî nî mwaro gûkîra ûrimû, wata ûrîa ûtheri ûrî mwaro gûkîra nduma.

Mûvunjia 9:18

Ûûgî nî mwaro gûkîra indo cia mbaara, nwatî mûndû ûmwe mwîvia nwa acûkangie maûndû meengî maro.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Aroma 16:19

Etîkia onthe nîmamenyete atî nîmwathîkagîra Ûvoro ûrîa mwaro, na nîûndû wa gîtûmi gîkî, nie nîngenaga nîûndû wenyu. Nie nîrenda mue mwîthagîrwe mûrî aûgî maûndûrî marîa maro, nwatî ûvororî wîgiî maûndû marîa macûku, îthagîrwani mûtarî na ûcuke.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.

Akol 4:5

Îthagîrwani mûrî na ûûgî rîrîa mûgwîka maûndû gatagatîrî ka andû arîa matetîkîtie Kristû. Vûthagîrani waro kanya wa konthe karîa mwagîa nako.

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.