Mûvunjia 1:6 - ÎVUKU RÎA ÛVORO MWARO

⁶ Rûkûngi rûvurutanaga rûthiîte mwena wa îveti, na rûkavurutana rûthiîte mwena wa rûgûrû. Rûvurutanaga rûthiîûrûrûkîte rûgacoka varîa rwambagîrîria.

Mûvunjia 1:6 ပူးပေါင်းရင်းမြစ်များ

Ayubu 37:17

We wonaga wîkîrîte nguo cia ûrugarî mûno, rîrîa rûkûngi kuuma mwena wa îveti rûratharîkîra nthî.

Ayubu 37:9

Kîvuvûkanio kiumaga mwena wa îveti, nayo mvevo îkauma mwena wa rûgûrû.

Thaburi 107:25

Nîwathanire, na rûkûngi rûnene rûkîvurutana, rûgîtûma makûmbî ma manjî îriarî maûkîrîre.

Thaburi 107:29

Nîwatûmire rûkûngi rûrîa rwavurutanaga rûvorera, na makûmbî ma manjî îriarî magîkira.

Mûvunjia 1:7

Nyûnjî cionthe inyûrûrûkaga îriarî nwatî îria rîtiîcûraga. Kûrîa nyûnjî inyûrûrûkaga nîkuo ciumaga rîngî.

Mûvunjia 11:5

Wata ûrîa ûtaicî ûrîa mwoyo ûtonyaga kûrî kaana îvurî rîa ng'ina, nwaguo ûtaicî wîra wa Ngai ûrîa wîkaga maûndû manene.

Jona 1:4

Nwatî Ngai-Mûnene nîwatûmire rûkûngi rûnene rûvurutane îriarî, na gûkîgîa na kîvuvûkanio kînene mûno îriarî nginya meri îkîenda kunîkanga.

Mathaayo 7:24

“Kwoguo mûndû wa wonthe ûrîa wîgucaga ciugo ino ciakwa na agaciathîkîra ekariî ta mûndû mûûgî ûrîa watumire nyomba yake rûciararî.

Mathaayo 7:27

Mbura nîyaurire, nyûnjî ikiuna, ngûngi ikîvurutana na ikîringa nyomba îo na vinya. Nayo nîyagwîre na vinya îkîvaragana!”

Johana 3:8

Rûkûngi rûvurutanaga rûthiîte wa kûrîa rûkwenda na mûndû nîwîgucaga mûrurumo waruo, nwatî ndamenyaga na kûrîa rumîte kana na kûrîa rûthiîte. Ûguo nwa ta guo gwîkîkaga kûrî mûndû wa wonthe ûciarîtwe nî Roho Mûtheru.”