Mûvunjia 1:17 - ÎVUKU RÎA ÛVORO MWARO

¹⁷ Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 1:17 ပူးပေါင်းရင်းမြစ်များ

Thaburi 73:16

Nînageririe gwîciiria ûvoro ûyû, nwatî warî mûrito mûno,

Mûvunjia 12:8

Mûvunjia arauga atîrî, “Ûtûûro nî wa mana, nî wa mana.”

Mûvunjia 2:17

Kwoguo nînaamenire ûtûûro nîûndû maûndû monthe marîa mekagwa gûkû nthî maambîgwithagia kîeva. Maûndû mau monthe maarî ma mana; nî takwa naageragia kûvinyûrania na rûkûngi.

Mûvunjia 2:3

Nîneciririe mûno ûrîa ngwîkenia na ndivei wa ndongoretue nî ûûgî, na ngîrûmagîrîra ûrimû nginya rîrîa ngaamenya maûndû maro mûno marîa andû mekaga kavinda kanini karîa matûûraga mwoyo.

Mûvunjia 3:19

Mûrigîrîrio wa mûndû na wa nyamû nî ûmwe. Wa ûrîa andû makucaga nwaguo nyamû ikucaga. Andû wana nyamû mavevaga rîera ûndû ûmwe na mûndû tî mwaro gûkîra nyamû, nîûndû kûrî andû wana nyamû ûtûûro nî wa mana.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mûvunjia 4:6

Nî kava kûgîa na indo nini ûrî na thayû wa ngoro gûkîra kûgîa indo nyîngî ûtarî na thayû. Kûu nîta kûvinyûrania na rûkûngi.

Mûvunjia 6:9

Ûcio wana guo nî wîra wa mana na nî ta kûvinyûrania na rûkûngi. Nîwaro mûndû kwîganîra na kîrîa arî nakîo gûkîra gwîtanga nîguo ûgîe na kîndû kîngî.

Mûvunjia 8:16

Rîrîa nageririe kûgîa na ûûgî na ngîona maûndû marîa andû mekaga gûkû nthî, nînamenyire atî nwa wîkare ûtamamîte mûthenya na ûtukû.

Mûvunjia 9:3

Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

1Ath 5:21

Tuîragiani maûndû monthe; menyagîrîrani maûndû marîa maro,