Mûvunjia 1:13 - ÎVUKU RÎA ÛVORO MWARO

¹³ Nînatuire na ngoro atî nîngûtuîria na ûûgî maûndû monthe marîa mekagwa gûkû nthî. Ngai nîavete andû wîra mûrito wa kûruta marî gûkû nthî.

Mûvunjia 1:13 ပူးပေါင်းရင်းမြစ်များ

Kîam 3:19

We ûkonaga irio ciaku cia kûrîa ûithithinîrîte nginya vîndî îrîa ûgaacoka mûtheturî, nîûndû kûu nîkuo warutirwe. Waûmbirwe kuuma mûtheturî, na ûgaacoka ûtuîke mûthetu.”

Ayubu 28:3

Enji a cuuma nîmakuuaga taa, makenja nthî kûndû kîrikîru mûno; magîcaria mathiga kûu ndumarî.

Thaburi 111:2

Kaî maûndû marîa Ngai-Mûnene ekaga nî manene-î! Andû onthe arîa makenagua nîmo nîmendaga kûmamenya.

Nthi 18:1

Mûndû ûrîa wîciragia wa maûndû make nî eyamûranagia na andû arîa engî; na nîareganaga na ûrîa wonthe andû arîa engî matuîte.

Nthi 18:15

Mûndû mûûgî nîeriragîria kûmenya maûndû, na matû ma mûndû mûûgî nîmegucaga ûmenyo.

Nthi 23:26

Mwana wakwa, nthikîrîria, na ûrûmîrîre mîthiîre yakwa.

Nthi 25:2

Ngai akumagua nîûndû wa kûthitha maûndû, nwatî athamaki makumagua nîûndû wa maûndû marîa maumbûraga.

Nthi 4:7

Ûûgî nîkîo kîndû Kîam vata mûno kûgîa. Îgûrû rîa indo cionthe irîa ûngîgîa nacio, gîa na ûtaûku.

Mûvunjia 1:17

Nînendire kûmenya ngûrani ya ûûgî, ûrimû na ûgûrûki. Nwatî nînonire atî gwîka ûguo nîta kûvinyûrania na rûkûngi.

Mûvunjia 11:5

Wata ûrîa ûtaicî ûrîa mwoyo ûtonyaga kûrî kaana îvurî rîa ng'ina, nwaguo ûtaicî wîra wa Ngai ûrîa wîkaga maûndû manene.

Mûvunjia 12:12

Mûvîcîwa, kûrî na ûndû wîngî wagîrîrwe nî kûmenya. Kwandîka nthimo tî wîra ûngîthira, kwandîka gûtirî mûthiia na kûthoma kwîngî nîkûnogagia mûndû.

Mûvunjia 2:23

Nîûndû ûtûûro wake wonthe wîcûrîtwe nî mathîna na wîra wake wonthe nî mîtango, wana ûtukû ndavurûkaga. Ûcio nî wîra wa mana.

Mûvunjia 2:26

Ngai avecanaga ûûgî, ûmenyo na gîkeno kûrî andû arîa mamûkenagia, nwatî avecaga andû arîa evia wîra wa gûcaria na kwiga vamwe nîguo avecane indo icio kûrî andû arîa mamûkenagia. Ûcio wanaguo nî wîra wa mana na nîta kûvinyûrania na rûkûngi.

Mûvunjia 3:10

Nîndoretie maûndû waro marîa Ngai avete andû marutage ûtûûrorî wao.

Mûvunjia 3:11

Ngai nîavangîrîte ûndû wonthe mwaro mavinda marîa magîrîru. Nîatûvete wendi wa kûmenya maûndû ma vuvarî, nwatî ndaanatûva ûvoti wa kûmenya ûrîa Ngai ekîte kuuma Kîammbîrîria nginya mûthiia.

Mûvunjia 4:4

Nînacokire ngîmenya atî andû marutaga wîra na vinya nîûndû wa wîru wa andû arîa engî. Ûcio wanaguo nî wîra wa mana na nî ta kûvinyûrania na rûkûngi.

Mûvunjia 4:8

Nînoonire mûndû ûtarî ciana kana andû ao, nwatî ndatigaga kûruta wîra na ndeganagîra na ûtonga ûrîa arî naguo. Ndakiraga eyûria arutagîra û wîra na vinya ûguo na akeima ikeno. Ûcio wanaguo nî wîra wa mana na ûtûûro ûtarî gîkeno.

Mûvunjia 7:25

Nînendire kûmenya na gûtuîria na gûcaria ûûgî na gîtûmi Kîam maûndû, wa vamwe na kûmenya waganu nî ûrimû na ûritu nî ûgûrûki.

Mûvunjia 8:9

Nînonire maûndû mau monthe rîrîa neciragia îgûrû rîgiî maûndû monthe marîa mekagwa gûkû nthî. Andû amwe methagîrwa marî na ûvoti na engî mavinyagîrîrua marî rungu rwao.

1Tim 4:15

Thiî na mbere gwîka maûndû mama wîvecanîte viû nîguo ûthiîi waku wa na mbere woneke nî andû onthe.