Mika 7:6 - ÎVUKU RÎA ÛVORO MWARO

⁶ Nîûndû mwanake ndatîîaga îthe, na mwîrîtu agakararia ng'ina. Mûviki akararanagia na nyaciarawe; nthû cia mûndû nî andû a mûciî wake.

Mika 7:6 ပူးပေါင်းရင်းမြစ်များ

Kîam 49:4

We wîkariî ta manjî mecûrîte makauna, nwatî ndûgaatuîka mwagîrîru gûkîra aa mûrwanyûkwe, nîûndû nîwamenyanire kîîmwîrî na mûndûmûka wakwa wa kwiga, na ûkîgwatia ûrîrî wa aguo gîko.

2Sam 16:11

Daudi nîwerire Abishai na ndungata ciake cionthe atîrî, “Ethîrwa mûvîcîwa ke mwene nîarenda kûmbûraga, kinthî Mûbenjamini ûyû ndangîmbîka maûndû macûku makîria? Ngai-Mûnene nîke ûmwîrîte arumane, kwoguo tiganani nake arumane.

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Nthi 30:11

Kûrî andû marumaga methe na maticokagia ngatho kûrî aa ng'ina.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Isaia 3:5

Andû nîmakaavinyanagîrîria, wa mûndû na ûrîa wîngî; andû ethî nîmakaaira andû arîa akûrû, na andû matarî kîene nîmakaaira anene ao.

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Jeremia 12:6

Nîûndû wana aa mûrwanyûkwe na andû a mûciî wenyu, nîmagwîkîte maûndû macûku, maragûtetia matagwîtigîra. Ndûkametîkie wanarî vanini, wana ethîrwa nîmarakwarîria ciugo mbaro mûno.”

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 9:4

Mûndû wa wonthe nî emenyerere kûrî arîa mariganîtie nake, na ndakaige mwîvoko kûrî mûrwang'ina, nîûndû andû onthe ao nî a maveeni, na mûndû wa wonthe athiîcaga agîcambagia arata ake.

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Obadia 1:7

Andû arîa mûgwatanagîra nao nîmamûveenetie, nîmamûvinyûrîtie kuuma vûrûrirî wenyu. Andû arîa mwekaranagia nao mûrî na thayû nîmamûvootete. Arata arîa mwevokete nîmaamwigîre mûtego na mûmûnyitithie; makiugaga atî, ‘Ûrî va ûûgî wonthe ûrîa maarî naguo?’ ”

Mathaayo 10:21

“Andû nîmakaanenganîra aa mûrwang'ina nîguo maûragwe, namo methe nîmageka wata ûguo kûrî ciana ciao. Ciana nîigaaûkîrîra aciari acio, na imaûragithie.

Mathaayo 26:23

Nake Jesû nîwamacokerie atîrî, “Ûmwe gatagatîrî kenyu ûrîa ûravokanîria mûgate thuvurî vamwe nanie nîke ûkûnjukanîrîra.

Luka 12:53

Mûndû akathûûraga mûvîcî, nake mwanake akathûûra îthe; mûndû akathûûraga mwarî, nake mwîrîtu akathûûra ng'ina; mwîrîtu aavika akathûûraga naciarawe, na naciara akathûûra mwarî ûcio ûvikîte gwake.”

Luka 21:16

Mue nîmûkaanenganîrwa nî aciari enyu, nî aa mûrwanyûkwe, nî andû a mûciî wenyu, wana nî arata enyu na amwe gatagatîrî kenyu maûragwe.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’