Mika 7:2 - ÎVUKU RÎA ÛVORO MWARO

² Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Mika 7:2 ပူးပေါင်းရင်းမြစ်များ

Thaburi 10:9

metagîrîra methithîte ta mînyambû, metagîrîra andû arîa athîni, mamanyitaga na mîtego yao na makathiî nao.

Thaburi 12:1

Tûtethie, Ngai-Mûnene! Gûtirî mûndû mwaro ûtigarîte, andû arîa evokeku nî athiru gûkû nthî.

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 57:6

Nthû ciakwa ciambîte mûtego nîguo ingwatithie; nanie nîmbîcûrîtwe nî kîeva. Maamînjîrîte îrima varîa mvîtûkagîrîra, nwatî o ene nîo magwîte kuo.

Nthi 1:11

Mangîkwîra atîrî, “Ûka tûthiî tûkethithîre andû tûmaûrage, tûthiî tûkovere andû matarî na mavîtia gûtarî na gîtûmi!

Nthi 12:6

Ciugo cia andû arîa aganu nî cia ûûragani, nwatî ciugo cia andû arîa athingu nî cia kûvonokania.

Isaia 3:5

Andû nîmakaavinyanagîrîria, wa mûndû na ûrîa wîngî; andû ethî nîmakaaira andû arîa akûrû, na andû matarî kîene nîmakaaira anene ao.

Isaia 57:1

Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Isaia 9:19

Marakara ma Ngai-Mûnene mwene vinya wonthe, nîmatûmîte vûrûri ûvîvue na mwaki, nao andû nîta ngû cia gûwakania; gûtirî mûndû ûracaîra mûndû ûrîa wîngî.

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 5:16

Athigari ao njamba maûraganaga matarî na ntha.

Jeremia 5:26

Andû arîa aganu monekaga gatagatîrî ka andû akwa, mekaraga metererete ta ategi a iconi mategere mîtego. Mategaga mîtego yao makagwatithie andû.

Jeremia 8:6

Mbîthîrîtwe nthikîrîrîtie waro, nwatî matiaragia ûvoro wa ma. Gûtirî mûndû wanarî ûmwe wîriraga nîûndû wa waganu wake; na eyûrie atî, ‘Mbîkîte atîa?’ Wa mûndû athiîcaga njîra yake ke mwene, ta mbarathi îvinyûrîte mbaararî.

Maca 4:18

Nthû cietû ciekarire itwîthithîrîte, tûtingîavotire kûthiîrîra njîrarî cietû, mîthenya yetû yarî mîtare, mûthiia wetû warî mûkinyu.

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 24:6

Kwoguo Ngai-Mûnene arauga atîrî, “We îtûûra rîîrî rîa aûragani, kaî ûrî na thîna-î! Îtûûra rîîrî rîkariî ta thuvuria îrî na kutu îtangîthira. Inuku cia nyama irutagwa thuvuriarî kîmwe gwa kîmwe itakûthuurûkanua.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Hosea 6:9

Ta ûrîa acunani methithagîra mûndû njîrarî, nwata guo athînjîri-Ngai mekaraga ikundi makavîrîte andû. Maûragagîra andû njîrarî ûthiîte Shekemu, nama, nîmekaga maûndû macûku mûno.

Mika 2:8

Nwatî mue mûtharîkagîra andû akwa ta nthû; nîmûcunaga andû arîa endi thayû nguo ciao, arîa macokaga kuuma mbaararî magîciiragia atî mûciî marî na thayû.

Mika 3:10

Mue mûratuma îtûûra rîa Zayuni na nthakame, mûgatuma Jerusalemu na ûragani na wagi wa kîvooto.

Mika 3:2

Nwatî mue mûmenete maûndû marîa maro na mûkenda maûndû marîa macûku. Mûrutaga andû akwa rûûo, na mûgatinangia nyama kuuma mavîndîrî mao.

Zakaria 11:6

Ngai-Mûnene augîte atîrî, “Ndigûcoka kwîguîra andû a gûkû nthî ntha rîngî. Nîndiganîria wa mûndû njararî cia mûndû ûrîa wîngî na nîmatiganîrie wa mûndû njararî cia mûthamaki wake. Nao nîmakaavinyîrîria nthî, na gûtirî mûndû ngaavonokia njararî ciao.”

Ciîko 24:9

Ayahudi acio engî wa nao nîmaathitangire Paûlo na makiuga atî maûndû mau monthe maarî ma ma.

1Sam 24:11

Taroria, vava, taroria wone gîcûrî Kîam nguo yaku îrîa ndaca gîkî nyitîte! Nîngîkûragire, nwatî vandû va gwîka ûguo nie nîndinirie gîcûrî gîkî Kîam nguo yaku. Kwoguo menya atî nie ndirî na meciria ma kûregana nawe kana ma gûgwîka ûûru. Ndirî mûkûvîtîriu wana ethîrwa nîûrenda kûmbûraga.

1Sam 26:20

Kwoguo ndûkareke mbûragîrwe vûrûrirî mûgeni kûraca na Ngai-Mûnene. Nîndûî kîratûma mûthamaki wa Isiraeli aûka kûmbûraga na mvana ta nthua na anguîme ta gîconi irîmarî?”