Mika 7:16 - ÎVUKU RÎA ÛVORO MWARO

¹⁶ Nacio ndûrîrî ciona maûndû mau nîigaaconoka, wana ethîrwa marî na vinya. Nîmakaanyitwa nî kîmako na makunîke tûnyua twao na makire ta andû mategucaga.

Mika 7:16 ပူးပေါင်းရင်းမြစ်များ

Ayubu 21:5

Ta ndoriani na nîmûkûmaka, na nîmûgûkunîka tûnyua na njara.

Ayubu 40:4

“Nie ndirî vata, nîngîgûcokeria atîa, nîngûkunîka kanyua gakwa.

Thaburi 126:2

Tûnyua twetû nîtwecûrirwe nî matheka, na tûrîmî twetû tûgîcûrwa nî gîkeno. Nao andû a mavûrûri marîa mengî nîmaaugire atîrî, “Ngai-Mûnene nîekîrîte andû acio maûndû manene.”

Nthi 30:32

Ethîrwa ûrarî kîrimû na nîûretîîaga, na nîûravangaga maûndû macûku, kira na wambe wîcirie.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 52:15

nwaguo îkaamakia ndûrîrî nyîngî, nao athamaki magaakira ki, magegete nîûndû wake, nîûndû nîmakoona maûndû marîa matanerwa, na nîmageciria maûndû marîa mateguîte ûvoro wamo.”

Isaia 66:18

Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Ezek 38:23

Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

Mika 5:8

“Andû a Isiraeli arîa magatigara marî mwoyo, marî mavûrûrirî marîa mengî, makeethagîrwa mekariî ta mûnyambû ûrî gatagatî ka nyamû cia kîthaka, kana ta kaana ka mûnyambû karî ndîthiîra ya ng'ondu. Kathiîcaga na gakaûraga na gûtamburûranga kîrîa kaûragîte, na gûtirî mûndû wa kûivonokia.

Hagai 2:22

kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

Zakaria 12:9

Na vîndî îo nîngaacûkangia vûrûri wonthe ûrîa ûkaatharîkîra Jerusalemu.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”