Mika 7:14 - ÎVUKU RÎA ÛVORO MWARO

¹⁴ We Ngai-Mûnene, rîthia andû aku na mûragi waku, ûrîthie arîa we wîthuurîrîte arîa matûûraga marî onga mûtitûrî, mathiûrûrûkîrîtue nî vûrûri mûnoru. Tiga mathiî Bashani na Gileadi makarîe, wata ûrîa mekaga tene.

Mika 7:14 ပူးပေါင်းရင်းမြစ်များ

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 143:5

Nîndirikanaga mîthenya ya tene, ngeciragia na vinya maûndû monthe marîa waneka, na ngaririkana maûndû monthe marîa wîkîte.

Thaburi 28:9

Vonokia andû aku, Ngai-Mûnene, na ûrathime andû aku. Tuîka mûrîthi wao, na ûtûûre ûmamenyagîrîra tene na tene.

Thaburi 95:7

Nîûndû nîke Ngai wetû, natue tûrî ndîthia yake; tûrî ng'ondu ciake irîa arîthagia. Naarî kethîrwa ûmûnthî nwa mwîgue mûgambo wake!

Ntha 33:16

Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

Rwîmbo rwa Nyîmbo 4:1

We mwendwa wakwa wî mûthaka, nama wî mûthaka! Metho maku nîta ma ndutuura, vuva wa gîtambaa gîaku, njuîrî ciaku nî ta ndîthia ya mbûri, inyûrûrûkîte kîrîmarî Kîam Gileadi.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 37:24

We nîwathekerere Mwathani na njîra ya ndungata ciaku, na ûkiuga atî, nîndwîte irîma irîa ndaca na ikaari ciakwa nyîngî cia mbaara, nginya ngakinya gacûmbîrî ka Lebanoni. Nînakindire mîtarakwe îrîa mîraca mûno, na mîthithinda yakuo îrîa mîaro mûno; nînginyîte mîthiia ya Lebanoni kûrîa kûraca mûno, na ngakinya kûrîa mûtitû ûrumîrîte.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Isaia 65:10

Ciandarî cia Sharoni igaatuîka cia kûrîthagua ng'ondu, nacio Ciandarî cia Akori ituîke kûndû gwa kûnogokagwa nî ng'ombe cia andû akwa arîa maanjaragia.

Jeremia 49:31

‘Ngai-Mûnene arauga atîrî, Ûkîrani mûkatharîkîre vûrûri ûrîa wîkaraga na thayû na ûrî mûgitîre! Vûrûri ûtarî mîrango kana mîkîgo, na ûtûûraga ûrî guonga.’

Maca 1:7

Vîndî îno Jerusalemu îrî nyomomoku nîîraririkana riiri ûrîa yarî naguo. Rîrîa rîagûîre njararî cia nthû ciarîo, nthû ciarîo nîciakenagîrîra kûgwa kwa rîo.

Maca 5:21

Tûcokie kûrî we Ngai-Mûnene, natue nîtûgûcoka, tûcokerie riiri ûrîa twarî naguo mbere.

Ezek 36:11

Nîngaatûma andû mengîve wana nyamû irîa mûrîthagia ciîngîve. Nîikoongerereka na iciarane mûno na ndûme irîma itûûrwe ta ûrîa ciatûûragwa mbererî. Nîngaamwîka maûndû maro gûkîra marîa monthe naamwîkîte mbere na nîmûkaamenya atî, nie nînie Ngai-Mûnene.

Alawi 27:32

Nyamû îmwe gatagatîrî ka nyamû îkûmi nî ya Ngai-Mûnene. Rîrîa nyamû igûtarwa, nyamû yonthe ya îkûmi nî ya Ngai-Mûnene.

Amosi 9:11

Mûthenya ûcio nîngaarûngamia ûthamaki wa Daudi ûrîa wagwîre. Nîngaatuma rîngî nthingo ciaguo irîa ciarî nyomomoku, ciîkare ta ûrîa ciekariî mbere.

Obadia 1:19

Andû arîa matûûraga mwena wa Negebu nîmakegwatîra vûrûri wa Edomu, nao arîa matûûraga Shefela megwatîre vûrûri wa Afilisiti. Andû a Isiraeli nîmakegwatîra vûrûri wa Efiraimu na megwatîre vûrûri wa Samaria; na andû a Benjamini nîmakegwatîra vûrûri wa Gileadi.

Mika 5:4

Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Zefania 3:13

Andû arîa matigîtwe kûu Isiraeli matigeka naaî, matikaria maveeni, kana mageria kûveenania. Makaagîcaga gîa kûrîa na marî na ûgitîri, na matagwîtigîra wanarî kîndû.”

Zakaria 10:10

Nîngaamaruta Misiri na Asîria nîmacokie mûciî, nîmacokie vûrûrirî wa Gileadi na wa Lebanoni, nginya mecûre vûrûri wonthe.

Zakaria 11:7

Kwoguo, arîa magûraga na kwendia ng'ondu nîmaamandîkire na ngîtuîka mûrîthi wa ng'ondu irîa ciathiîte kûthînjwa. Nînaacokire ngîoca mîragi îîrî. Mûragi ûmwe naaûtuîrîre rîîtwa “Ûtugi,” na ûcio wîngî ngîûtuîrîra rîîtwa “Wîgucano.” Nînacokire ngîthiî kûrîthia ng'ondu.

Malaki 3:4

Kwoguo matega ma andû a Juda na atûûri a Jerusalemu nîmagaakenia Ngai-Mûnene, ta ûrîa vîndî ya tene matega ma methe ma tene maamûkenagia.

Ndari 23:9

Nîrî îgûrû rîa irîma nînîmoonaga, nînîmaroragia nîrî îgûrû rîa irîma. Acio nî andû matûûraga marî onga; nîmaicî atî nî arathime gûkîra andû a mavûrûri marîa mengî!

Ndari 32:1

Andû a mûvîrîga wa Reubeni na wa Gadi maarî na ndîthia nyîngî mûno. Rîrîa moonire vûrûri wa Jazeri na vûrûri wa Gileadi warî na kûndû kwaro kwa ndîthia ciao,

Ndari 32:4

nî vûrûri ûrîa Ngai-Mûnene aavootanîre andû a Isiraeli. Vûrûri ûcio nî mwaro wa ndîthia na tue ndungata ciaku tûrî na ndîthia nyîngî mûno.

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Johana 17:16

Wata ûrîa wa nanie ndarî wa gûkû nthî, wa nao tî a gûkû nthî.

Gûco 33:28

Kwoguo andû a Isiraeli matûûraga marî na thayû, njiarwa cia Jakovu itûûraga itarî na thîna, vûrûrirî wîcûrîte ngano na ndivei, kûrîa mbura yuraga kuuma îgûrû.