Mika 7:10 - ÎVUKU RÎA ÛVORO MWARO

¹⁰ Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Mika 7:10 ပူးပေါင်းရင်းမြစ်များ

2Sam 22:43

Naamarivire nginya magîtuîka ta rûkûngû, na ngîmakinyanga ta ndaka îrîa îthagîrwa îrî njîrarî.

Thaburi 109:29

Nthû ciakwa nîikunîkîrwe nî nthoni ta nguo; na mekîre gîconoko ta nguo irîa mekagîra.

Thaburi 115:2

Nîndûî gîtûmaga andû a ndûrîrî matûrie atîrî, “Ngai wenyu arî kû?”

Thaburi 18:42

Naarûire nacio igîkara ta rûkûngû rûrîa rûgûrûkagua nî rûkûngi, naamakinyangire ta ndaka îrî njîrarî.

Thaburi 35:26

Tiga acio makenagîrîra kûthînîka gwakwa, mavootwe na maconorithue; acio meyonaga marî aro kûrî nie, megue nthoni na maconoke.

Thaburi 42:10

Nînîregua ruuo mûno rîrîa nthû ciakwa iranuma, vîndî cionthe ikîmbûûragia atîrî, “Ngai waku arî kû?”

Thaburi 42:3

Methori makwa nîmo matuîkîte irio ciakwa ûtukû na mûthenya, vîndî cionthe nthû ciakwa imbûragia atîrî, “Ngai waku arî kû?”

Thaburi 58:10

Andû arîa athingu nîmagaakena mona arîa evia makîverithua; makethambia magûrû na nthakame ya andû arîa aganu.

Thaburi 79:10

Nîndûî gîtûmaga andû a ndûrîrî matûûrie atîrî, “Ngai wenyu arî kû?” Tûtethie twone ûkîverithia andû a mavûrûri, nîûndû nîmeetûrûrire nthakame ya ndungata ciaku.

Thaburi 92:12

Andû arîa athingu matûûraga ta mîtî ya mîkîndû, magaakûra ta mîtarakwe ya Lebanoni.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 41:25

“Nîndûmîte mûndû aume mwena wa rûgûrû nake nîmûku, nîmûthuurîte kuuma mwena wa îrathîro, nake nîagaakaîra rîîtwa rîakwa. Ke nîagaakinyanga athamaki ta yûmba, ta ûrîa mûmbi wa nyûngû akinyangaga yûmba.

Jeremia 49:15

Nie Ngai-Mûnene nîngûgûtua we Edomu, vûrûri mûnini gûkîra mavûrûri marîa mengî, na ûnyararagwe nî andû onthe.

Jeremia 51:24

Ngai-Mûnene arauga atîrî, “Nîngaverithia Babuloni na andû a kuo mue ene mûkîonaga, nîûndû wa maûndû macûku marîa mekire îtûûrarî rîa Jerusalemu.

Jeremia 51:51

Mugaga atî: ‘Nîtûconorithîtue na tûkamenererua; twîcûrîtwe nî gîconoko, nîûndû ageni nîmatonyete kûndû kûrîa kûtheru nyombarî ya Ngai-Mûnene.’ ”

Ezek 7:18

Nîmagekîra nguo cia macakaya na mekare mamakîte mûno. Nîmakoonekaga marî na gîconoko na menjetwe njuîrî ciongo.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”

Obadia 1:10

“Maûndû macûku marîa mwekire aa mûrwanyûkwe njiarwa cia Jakovu, nîmo magaatûma mûconorithue na mûcûkangue tene na tene.

Obadia 1:12

Mûtiagîrîrwe nî gûkenerera mathîna marîa maarî na aa mûrwanyûkwe. Mûtiagîrîrwe nî gûkena rîrîa andû a Juda maacûkangagua. Mûtiagîrîrwe nî gwîtîîa rîrîa maarî na mathîna.

Mika 4:11

Mavûrûri meengî nîmagomanîte nîguo mamûtharîkîre, makiugaga atîrî, “Tiga îtûûra rîao rîcûkangue! Natue twone Zayuni îkîanangîka!”

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Zefania 3:15

Ngai-Mûnene nîathirîtie kûverithua kwenyu, na nîathengutîtie nthû cienyu cionthe. Ngai-Mûnene mûthamaki wa Isiraeli arî gatagatîrî kenyu; ndûgetigîra mathîna rîngî.

Zakaria 10:5

Andû a Juda magekara ta athigari njamba marî mbaararî, irîa irangagîrîria nthû ciao ta ndaka njîrarî. Makaarûaga nîûndû Ngai-Mûnene akethagîrwa arî vamwe nao, na nîmagaaconorithia athigari arîa mathiîcaga matwîte mbarathi.

Malaki 1:5

Namue nîmûkeyonera maûndû mama na metho menyu na muge atîrî, “Ûnene wa Ngai-Mûnene ûkinyîte makîria ya kûrîa mîvaka ya vûrûri wa Isiraeli îkinyîte.”

Malaki 4:3

Mûthenya ûcio nîmûgaakinyangîra andû arîa aganu nthî matuîke ta rûkûngû rungu rwa magûrû menyu. Ûguo nîguo nie Ngai-Mûnene mwene vinya wonthe nîrauga.

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

Josh 7:9

Andû a Kanaani na andû arîa engî onthe matûûraga gûkû makegua ûvoro ûcio. Nao mawîgua magatûthiûrûrûkîria na maûrage andû onthe etû natue nîtûkûriganîra gûkû nthî. Ngai-Mûnene ûgeka atîa nîguo ûgitîre ûnene wa rîîtwa rîaku?”

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.