Mika 6:4 - ÎVUKU RÎA ÛVORO MWARO

⁴ Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Mika 6:4 ပူးပေါင်းရင်းမြစ်များ

2Sam 7:23

Gûtirî andû engî gûkû nthî mekariî ta Aisiraeli, arîa wakûûrire kuuma ûkomborî na ûkîmatua andû aku. Maûndû manene na ma magegania marîa wekire nîûndû wao matûmîte ngumo yaku îtambe nthî yonthe. Nîwengatire ndûrîrî irîa ciîngî wa vamwe na ngai ciacio kuuma kûrîa kuonthe andû aku maavîtûkagîrîra, andû wa acio wakûûrîte kuuma Misiri na magatuîka andû aku.

Thaburi 77:20

Watongoririe andû aku ta ûrîa mûrîthi atongoragîria ndîthia, matongoretue nî Musa na Aroni.

Ntha 12:51

Na mûthenya ûcio Ngai-Mûnene nîwarutire andû a mîvîrîga ya Isiraeli vûrûri wa Misiri.

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 3:10

Rîu nîngûgûtûma ûthiî kûrî mûthamaki wa Misiri nîguo ûgatongorie andû akwa a Isiraeli kuuma vûrûri wake.”

Ntha 4:10

Nwatî Musa nîwaugire atîrî, “Ngai-Mûnene, we Mwathani wakwa, ndûkandûme nie. Ndicî kwaria waro kuuma tene, wana kuuma vîndî îrîa wambîrîrie kûmbarîria na nînyenyaga.”

Ntha 4:16

Aroni nîke ûkaarîria andû vandûrî vaku. Nawe ûgaatuîka ta Ngai na ûmwîrage ûrîa akuga.

Ntha 6:27

Nwa o meerire mûthamaki wa Misiri arekererie andû a Isiraeli.

Jeremia 32:21

Nîwarutire andû aku a Isiraeli vûrûrirî wa Misiri na njîra ya kûringa ciama na ûgîka maûndû ma magegania na vinya na ûvoti mwîngî na ûkîmakia andû a Misiri.

Amosi 2:10

Nînacokire ngîmûruta vûrûri wa Misiri, ngîmûtongoria werûrî mîaka mîrongo îna, nîguo mûkegwatîre vûrûri wa Amori.

Ndari 12:1

Aroni na Miriamu nîmaamenererie Musa nîûndû wa mûndûmûka Mûkushi ûrîa aavikîtie.

Ndari 33:1

Ûyû nîguo mûtaratara wa marîîtwa ma kûndû kûrîa andû a Isiraeli maambaga magema mao marî rûgendorî rwa kuuma Misiri kûringana na mîvîrîga yao matongoretue nî Musa na Aroni.

Ciîko 7:36

Musa nîwatongoririe andû a Isiraeli akîmaruta Misiri. Nake nîwaringaga ciama na ageeka maûndû ma magegania kûu Misiri, Îriarî Îtune wana werûrî kwa îvinda rîa mîaka mîrongo îna.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 24:18

Ririkanani atî mwarî ngombo vûrûrirî wa Misiri na Ngai-Mûnene Ngai wenyu akîmûkûûra kuo. Kîu nîkîo gîtûmîte nîmwatha mwîke maûndû mama.

Gûco 4:20

Nwatî mue nîmue andû ake arîa aarutire Misiri mwakirî warî mûnene mûno. Aamûrutire kuo nîguo mûtuîke andû ake, na nîguo mûrî ûmûnthî.

Gûco 4:34

Kûrî ngai yanageria kûthiî kûruta andû vûrûrirî wîngî na kûmatua andû ake ta ûrîa Ngai aamwîkire mûrî Misiri? Ngai-Mûnene, Ngai wenyu nîwatûmîre ûvoti na vinya wake mwîngî wa mûkîonaga. Nîwatûmire andû a Misiri manyitwe nî mûthiro na mbaara, nîwaringire ciama na morirû magîkîka na agîtûma maûndû ma kûmakania mekîke.

Gûco 5:6

‘Nie, nînie Ngai-Mûnene, Ngai wenyu ûrîa wamûrutire vûrûri wa Misiri, kûrîa mwarî ûkomborî.

Gûco 7:8

Nwatî aamûthuurire nîûndû wa kûmwenda na kûvingia mwîvîtwa wake kûrî methe menyu. Kîu nîkîo gîatûmire amûvonokie na vinya wake mûnene na akîmûkûûra kuuma ûkomborî wa mûthamaki wa Misiri.

Gûco 9:26

Nînavoire Ngai-Mûnene ngîmwîra atîrî, ‘Ûûi Ngai-Mûnene Ngai, ndûgacûkangie andû aku arîa wakûûrire na ûkîmaruta Misiri na vinya waku mûnene.

1Sam 12:6

Samueli nîwathiîre na mbere kwîra andû atîrî, Ngai-Mûnene ûrîa wathuurire Musa na Aroni na nîke warutire methe menyu ma tene vûrûrirî wa Misiri nîke mûira.