Mika 6:14 - ÎVUKU RÎA ÛVORO MWARO

¹⁴ Mûkaarîcaga irio na mûtikaavaa, vîndî cionthe mûkethagîrwa mûrî avûtu. Mûgocaga indo na mûkîthiî nacio, nwatî mûtikaavota gûciiga. Indo irîa mûkaaigaga ngatûmaga cianangîke vîndî ya mbaara.

Mika 6:14 ပူးပေါင်းရင်းမြစ်များ

Isaia 30:6

Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Isaia 9:20

Macunanaga indo nwatî matiîganagîra, marîcaga nyama cia mûndû ûrîa wîngî, wa mûndû atharîkagîra mûndû ûrîa wîngî.

Jeremia 48:44

Mûndû ûrîa ûkaûra nî kîmako, nî akagwa îrimarî, na mûndû ûrîa ûkauma îrimarî, nîakaanyitwa nî mûtego. Nîûndû Ngai-Mûnene areterete Moabu maûndû mama, nîûndû mwaka wao wa kûmaverithia nîmûkinyu. Ûguo nîguo Ngai-Mûnene arauga.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Hosea 4:10

Nîmakaarîa nwatî matikavaa; nîmakaatharia nwatî matikagîa ciana, nîûndû nîmandiganîrîtie nie Ngai-Mûnene, na makarûmîrîra ngai ng'eni.”

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Hagai 2:16

maûndû menyu mekariî atîa? Mwathiîre gwoca kîrûndo Kîam ngano mwîrîgîrîrîte kwona ithimo mîrongo îîrî, nwatî mwonire ithimo îkûmi tu. Mwathiîre îtangirî rîa ndivei mwîvokete gwîcûria mîtûngi mîrongo îtano, nwatî mwecûririe mîtûngi mîrongo îîrî tu.