Mika 6:12 - ÎVUKU RÎA ÛVORO MWARO

¹² Andû arîa itonga nîmaverithagia andû arîa athîni, na muonthe mwîcûrîtwe nî maveeni.

Mika 6:12 ပူးပေါင်းရင်းမြစ်များ

Thaburi 120:2

Mvonokia, we Ngai-Mûnene, kuuma kûrî andû arîa maveenanagia.

Thaburi 35:20

Nîûndû mîario yao tî ya thayû, maragia maûndû ma maveeni megiî andû arîa matûûraga na thayû.

Thaburi 78:36

Nwatî matiaragia maûndû ma ma, maûndû monthe marîa maamwîrire maarî ma maveeni.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Jeremia 9:8

Tûrîmî twao nîta mîguî îrî na ûvai, twaragia maveeni vîndî cionthe. Wa mûndû aragia waro na mûndû ûrîa mariganîtie nake, nwatî ngororî amûvangagîra ûndû mûcûku.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Hosea 7:13

O nîanyite nî kîrumi nîûndû nîmandiganîrîtie! Nîmagûcûkangua nîûndû nîmareganîte nanie! nîmendaga kûmakûûra, nwatî o maaragia maveeni îgûrû rîakwa.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Amosi 6:4

Mue arîa mûmamagîra itanda cia mîguongo kaî mûrî na thîna-î, na mûgatambararia itîîrî cia cûva, mûkîrîcaga nyama kuuma ndîthiarî cia ng'ondu, na nyama cia njaû kuuma ndîthiarî cia ng'ombe.

Zefania 1:9

Mûthenya ûcio ngamaverithia onthe, arîa onthe magoocaga ngai cia mîvuanano; na arîa onthe mecûragia nyomba ya mwathi wao, na indo irîa macunanîte na vinya na kwîa.”

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Ciîko 24:9

Ayahudi acio engî wa nao nîmaathitangire Paûlo na makiuga atî maûndû mau monthe maarî ma ma.

Aroma 3:13

Mîmero yao nî ta mbîîrîra ngunûre, nîmî ciao ciaragia maveeni. Mîromorî yao kuumaga ndeto ndûrû ta ûrogi wa njoka.