Mika 5:4 - ÎVUKU RÎA ÛVORO MWARO

⁴ Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Mika 5:4 ပူးပေါင်းရင်းမြစ်များ

Thaburi 145:12

nîguo mamenyithie andû onthe ciîko ciaku cia vinya, na riiri mwîngî wa ûthamaki waku.

Thaburi 22:27

Mavûrûri monthe nî makaaririkana Ngai-Mûnene na mamûcokerere, andû a mîvîrîga yonthe nî makaamûgooca.

Thaburi 72:19

Rîîtwa rîake rîrî riiri rîrokumagua tene ne tene! Riiri wake ûroîcûra nthî yonthe. Ameni! Ameni!

Thaburi 72:8

Aroathana kuuma îriarî nginya îriarî, kuuma rûnjîrî rwa Farati nginya mîthiia ya nthî.

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Thaburi 98:3

Nîendete andû a Isiraeli na arî mwîvokeku kûrî o. Andû onthe a nthî nîmonete ûvootani wa Ngai wetû.

Ntha 23:21

Mûthikagîrîrieni na mûmwathîkagîre na mûtikamûkararie. Mwaregana nake ndakaamûrekera nîûndû nînie nîmûtûmîte.

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 49:5

Na rîu Ngai-Mûnene arauga atî; ûrîa wambîtire kuuma nîrî îvurî rîa nyanya, nîguo nduîke ndungata yake; nîguo njokie andû a Jakovu kûrî ke, nîguo njokanîrîrie andû a Isiraeli varî ke. Ngai-Mûnene nîamvete gîtîîo, na Ngai wakwa nîke ûtuîkîte vinya wakwa.

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 52:13

Ngai-Mûnene arauga atîrî, “Ndungata yakwa nîkaathatûkwa wîrarî wayo, nîkaanenevua, yambararue na nîkaavewa gîtîîo mûno.

Isaia 8:7

Kwoguo nie Mwathani, nîngûmaretithîria mûthamaki wa Asîria na athigari ake a mbaara onthe arîa marî vinya mekariî ta mwîcûro mûnene wa manjî ma rûnjî rwa Farati rwîcûrîte rûkauna.

Mika 7:14

We Ngai-Mûnene, rîthia andû aku na mûragi waku, ûrîthie arîa we wîthuurîrîte arîa matûûraga marî onga mûtitûrî, mathiûrûrûkîrîtue nî vûrûri mûnoru. Tiga mathiî Bashani na Gileadi makarîe, wata ûrîa mekaga tene.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Zakaria 9:10

Ngai mûnene nîakaathengutia ikaari cia mbaara ciume Efiraimu, na athengutie mbarathi cia mbaara ciume Jerusalemu, naguo ûta ûrîa ûvûthagîrwa vîndî ya mbaara nîûkaaunangwa. Mûthamaki nîagaatûma ndûrîrî igîe na thayû, wathani wake ûkaauma îriarî kûthiî nginya îriarî, na kuuma rûnjîrî nginya mîthiia ya nthî.

Malaki 1:5

Namue nîmûkeyonera maûndû mama na metho menyu na muge atîrî, “Ûnene wa Ngai-Mûnene ûkinyîte makîria ya kûrîa mîvaka ya vûrûri wa Isiraeli îkinyîte.”

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Luka 1:32

Nake nîagaatuîka mûndû mûnene na nîagetagwa Mûrû wa Ûrîa ûrî Îgûrû Mûno. Mwathani Ngai nîakaamûtua mûthamaki wata Daudi, îthe wake wa tene.

Johana 10:38

Nwatî angîthîrwa nîreka maûndû marîa Vava endaga mbîke, nîkwagîrîrîte mwîtîkie maûndû marîa mbîkaga wana ethîrwa mûtirambîtîkia. Mwona mwetîkia maûndû marîa mbîkaga nîmûkûvota kûmenya waro atî nie na Vava tûrî kîndû kîmwe.”

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

Juda 1:1

Kuuma kûrî nie Juda, ndungata ya Jesû Kristû, na nwa nie mûrwang'ina na Jakuvu. Kûrî andû arîa metîtwe nî Ngai na arîa matwîre mendetwe nî Ngai Vava na mûkamenyererwa nî Jesû Kristû.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”