Mika 5:1 - ÎVUKU RÎA ÛVORO MWARO

¹ Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Mika 5:1 ပူးပေါင်းရင်းမြစ်များ

Kîam 35:19

Kwoguo Rakeli nîwakwire na akîthikwa mûkîrarî wa njîra ya kûthiî Efiratha na nîyo Bethilehemu.

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

1Atha 22:24

Mûrathi Zedekia, mûvîcî wa Kenaana nîwacokire akîthiî kûrî Mikaia, akîmûcamûra rûvî ûthiû na akîmûria atîrî, “Roho wa Ngai-Mûnene anandiganîria na agîûka kwaria nawe?”

2Atha 24:2

Ngai-Mûnene nîwacokire agîtûma ikundi cia andû marî na indo cia mbaara kuuma Babuloni, Sîria, Moabu, na Aamoni mathiî makerwe na Jehoiakimu na macûkangie Juda, wata ûrîa Ngai-Mûnene aaugîte na njîra ya ndungata ciake arathi.

Ayubu 16:10

Andû manyararaga na makanthekerera, magomanaga marî ikundi makanthiûrûrûkîria, na makanjamûra rûvî nî kûmena.

Nthi 8:23

Tene mûno Kîammbîrîriarî nîrîo naaûmbirwe, nînie naarî wa mbere nthî îtanaûmbwa.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 8:9

Mue andû a mavûrûri, gomanani vamwe na nî mûkaamaka! Ta thikîrîriani mue mavûrûri marîa marî kûraca! Îîvarîrieni kûrûa na mûmake! Îkarani mwîvarîrîtie na mûmake!

Isaia 9:5

Iratû cionthe cia athigari a mbaara arîa maatharîkagîra, na nguo ciao cionthe irîa irî na maroro ma nthakame, nîikaavîvua ta ngû.

Jeremia 25:9

nîngûtûma mîvîrîga yonthe ya mwena wa rûgûrû, na Nebukadinezarû mûthamaki wa Babuloni, ndungata yakwa matharîkîre vûrûri ûyû na atûûri a guo vamwe na mavûrûri monthe marîa mamarigicîrîtie. Nîngamacûkangia viû na ndûme megue guoya, manyararwe na matûûre na gîconoko.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Maca 3:30

Nwa nginya etîkîre kûrivwa na kûrumwa.

Ezek 21:32

Mûgatuîka ngû cia mwaki, nayo nthakame yenyu îgetîka kûu vûrûrirî ûcio, na mûtigacoka kûririkanwa rîngî.” Nînie Ngai-Mûnene nauga ûguo.

Ezek 24:2

“Mûndû, andîka rîîtwa rîa mûthenya wa ûmûnthî. Nîûndû ûmûnthî nîguo mûthenya ûrîa mûthamaki wa Babuloni ambîrîria kûrigicîria îtûûra rîa Jerusalemu arîtharîkîre.

Danieli 9:25

Kwoguo, nwanginya ûmenye na ûtaûkîrwe nî ûndû ûyû, atî kuuma watho wa gûtuma Jerusalemu rîngî wavecanwa, nginya rîrîa ûrîa mûtheru wa Ngai akaathuurwa, mîaka mûgwanja maita mîrongo mûgwanja nîîkathira. Jerusalemu nîgaatumwa rîngî îrî na tûcîra twaro na nthingo cia vinya cia kûrîgitîra. Narîo rîgeekara îvinda rîa mîaka mîrongo îtandatû na îîrî maita mûgwanja, nwatî îkethîrwa rîrî îvinda rîa mathîna.

Joeli 3:9

“Anîrîra ûndû ûyû kûrî mavûrûri monthe: îîvarîrieni nîûndû wa mbaara; îtani athigari enyu. Ûnganiani athigari enyu na mathiî na mbere.

Amosi 2:3

Nîngaûraga mûthamaki wa Moabu, na atongoria onthe a vûrûri wao.”

Habakuku 1:6

Nîûndû nînîraringîrîra Akalidei, andû acio aganu ûguo na matarî ntha. Vûrûri ûcio ûvîtûkîrîrîte nthî yonthe, nîguo woce vûrûri ûtarî wao.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Mathaayo 26:67

Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Mathaayo 27:30

Nao nîmaamûtuîrîre mata, magîoca rûthanju na makîmûringa kîongo.

Mathaayo 5:39

Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”

Johana 19:3

na makathiîcaga varîa arî na makamûringa na mvî makîmwîraga atîrî, “Wî mwaro Mûthamaki wa Ayahudi!”

Ciîko 23:2

Nake Anania ûrîa warî Mûthînjîri-Ngai ûrîa mûnene nîwathire andû arîa maarûngamîte vakuvî na Paûlo akîmeera maviûkie Paûlo rûvî rwa kanyua.

2Akor 11:20

Mue nîmûkiragîrîria mûndû wa wonthe ûrîa ûmwathaga ta mûrî ngombo, kana ûmûvûthagîra naaî, kana ûmûveenagîrîria. Wana nîmûkiragîrîria mûndû ûrîa wîciragia atî nî mwaro kûmûkîra na ûrîa ûmûcamûraga rûvî.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.

Gûco 33:27

Ngai ûrîa ûtûûraga tene na tene nîke ûmûgitagîra; vinya wake ûrîa ûtûûraga tene na tene nîguo ûmûnyitagîrîra. Nîwengataga nthû cienyu wa ûrîa mwathiîcaga na mbere, na nîwamwîrire mûicûkangie viû.

Atir 17:7

Vîndî îo kwarî na mwanake Mûlawi warî wa kuuma Bethilehemu ya Juda.