Mika 4:4 - ÎVUKU RÎA ÛVORO MWARO

⁴ Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.

Mika 4:4 ပူးပေါင်းရင်းမြစ်များ

1Atha 4:25

Vîndî îrîa yonthe Solomoni aarî mwoyo, andû a Juda na a Isiraeli kuuma Dani kûthiî nginya Beerisheba maatûûraga na thayû, wa mûndû arî na mîthavibu na mîkûyû yake.

1Atha 5:5

Kwoguo rîu nîrenda gûtumîra Ngai-Mûnene, Ngai wakwa hekarû, wata ûrîa Ngai-Mûnene eerîre vava Daudi atî, ‘Mûvîcîguo, ûrîa ngeekarîria gîtî Kîam ûthamaki vuva waku nîke ûkandumîra hekarû.’

Ayubu 11:19

Ûkamamaga ûtagwîtigîra nthû ciaku, andû eengî makaûragia ûtethio kûrî we.

Thaburi 72:3

Vûrûri ûrogîa na ûthiî wa na mbere, na ûgîe na maûndû ma ûthingu.

Nthi 3:25

Ndûgetigîre ûndû wa kûmakania ûrîa ûngîûka wa rîmwe, kana ivuvûkanio irîa ingîtharîkîra andû arîa aganu na vinya.

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Isaia 17:2

Matûûra ma Sîria nîmatûûra marî mathame tene na tene. Ng'ondu na ng'ombe nîcio igekaraga kuo, ikaamamaga kuo na gûtirî mûndû ûkaaimakia.

Isaia 22:25

Ngai-Mûnene mwene vinya wonthe augîte atîrî, ‘Rîrîa mûthenya ûcio ûgaakinya, mûcumarî ûrîa wamundîrîrîtwe vandû na kinyi nîûkagûka. Nîûkagûka na ûgwe nthî, naguo mûrigo ûrîa wenyitîrîrîte mûcumarîrî ûcio nîûkaagwa. Nie, Ngai-Mûnene nînie nauga ûguo.’ ”

Isaia 26:16

Ûûi Ngai-Mûnene, rîrîa maarî thînarî, nîmaagûkaîre, rîrîa wamaverithirie, o nîmaakûvoire.

Isaia 32:17

Naguo ûndû ûrîa ûkaaumana na ûthingu nî thayû, naguo ûthingu nîûgaatûma kûgîe ûvooreri na wîvokeku tene na tene.

Isaia 36:16

Mûthamaki wa Asîria arauga mûtikathikîrîrie Hezekia; gîani na thayû nanie na mûke kûrî nie, na wa mûndû wa mûndû akaarîcaga matunda ma mûthavibu wake ke mwene, na ma mûkûyû wake ke mwene, na wa mûndû anyunyage manjî kuuma kîrikorî gîake ke mwene,

Isaia 40:5

Naguo riiri wa Ngai-Mûnene nîûkonanua, nao andû onthe nîmakawona, nîûndû Ngai-Mûnene nîke ugîte ûguo.”

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Isaia 58:14

nîûkaagîa na gîkeno kîrîa mvecaga arîa mandungatagîra, na ngûvecage ûvootani maûndûrî monthe ma gûkû nthî, na nîngaatûma ûkenagîre vûrûri ûrîa nagaîre aguo, Jakovu. Nînie, Ngai-Mûnene nauga ûguo.”

Jeremia 23:4

Nîngaiva arîthi a kûimenyerera, nacio itigetira rîngî kana imaka, na gûtirî wanarî îmwe îkaaûra. Ûguo nîguo Ngai-Mûnene arauga.

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Ezek 34:28

Itigaatavwa nî ndûrîrî ciîngî, kana ciûragwa kana irîwa nî nyamû cia kîthaka. Igaatûûra irî ngitîre na itakûmakua nî kîndû.

Ezek 38:11

ûkiugaga atî, ‘Nîngûtharîkîra vûrûri ûrîa ûrî na icagi itarî ngitîre na rûthingo kûrîa andû matûûraga marî na thayû. Andû a kûu matûûraga icagirî itarî mbirigîre na itarî na mîrango ya kûvinga.’

Ezek 39:26

Rîrîa magaatûûra vûrûrirî wao matagwîtigîra na marî na thayû, nîmakaariganîrwa nî ûrîa maaconorithîtue nîûndû wa kûndiganîria.

Alawi 26:6

“Nî ngaamûva thayû vûrûrirî wenyu, na mûkaamamaga mûtagwîtigîra wanarî mûndû. Nî ngaathiria nyamû cionthe njûku vûrûrirî na mûtikaarûa na nthû cienyu rîngî.

Mika 5:3

Kwoguo Ngai-Mûnene nîagaatiganîria andû ake, nginya rîrîa mûndûmûka ûrîa ûrî îvu agaaciara kavîcî. Nao andû ao arîa marî îthamîriorî nîmagaacokanîrîra rîngî na andû a Isiraeli.

Zefania 3:13

Andû arîa matigîtwe kûu Isiraeli matigeka naaî, matikaria maveeni, kana mageria kûveenania. Makaagîcaga gîa kûrîa na marî na ûgitîri, na matagwîtigîra wanarî kîndû.”

Zakaria 3:10

Mûthenya ûcio wakinya, wa mûndû wa mûndû nîagetaga mûndû ûrîa mariganîtie nake athiî magekare rungu rwa mîthavibu na rungu rwa mîkûyû makenere thayû na ûgacîru wa vûrûri. Ûgo nîguo Ngai-Mûnene mwene vinya wonthe arauga.”