Mika 4:11 - ÎVUKU RÎA ÛVORO MWARO

¹¹ Mavûrûri meengî nîmagomanîte nîguo mamûtharîkîre, makiugaga atîrî, “Tiga îtûûra rîao rîcûkangue! Natue twone Zayuni îkîanangîka!”

Mika 4:11 ပူးပေါင်းရင်းမြစ်များ

Thaburi 129:5

Arîa onthe mamenete Zayuni, maroconorithua na macokithue.

Thaburi 83:5

Nîmetîkanîrîtie mîvangorî yao na ngoro îmwe, marîkanîrîte vamwe maregane nawe:

Isaia 10:7

Nwatî Asîria ndaarî na mworoto ûcio na tîguo eeciragia gwîka; nwatî eendaga gûcûkangia viû, na kûthiria mavûrûri meengî wata ûrîa kûngîvoteka.

Isaia 17:12

Aia, ûcio nî mûrurumo wa andû eengî, mararuruma ta ûrîa îria rîrurumaga. Aia, nî mûrurumo wa ndûrîrî, irî na mûrurumo ta wa manjî meengî.

Isaia 29:7

Gîkundi Kîam mavûrûri marîa marûaga na Jerusalemu, marîa monthe marûaga nake, makatharîkîra nthingo ciake cia vinya, na makamûretere thîna, magekara ta kîroto, na ta kîoneki gîa ûtukû.

Jeremia 52:4

Kwoguo, mûthenya wa îkûmi wa mweri wa îkûmi mwaka wa kenda wa ûthamaki wa Zedekia, mûthamaki Nebukadinezarû nîwathiîre na athigari ake onthe a mbaara akîtharîkîra îtûûra rîa Jerusalemu, na makîrîthiûrûkîria na mîena yonthe.

Ezek 26:3

“Kwoguo rîu, nie Ngai-Mûnene Ngai mbugîte atî nîndeganîte nawe we Turo. Nîngaatûma ndûrîrî nyîngî ciûke ikûtharîkîre. Magaûka kûrî we ta makûmbî ma manjî ma îriarî.

Ezek 38:17

Kinthî tîwe, nie Mwathani Ngai-Mûnene naririe ûvoro waku tene na njîra ya arathi a Isiraeli ndungata ciakwa, ngiuga atî vîndî îmwe nîngaagûtûma akatharîkîre Isiraeli?”

Obadia 1:12

Mûtiagîrîrwe nî gûkenerera mathîna marîa maarî na aa mûrwanyûkwe. Mûtiagîrîrwe nî gûkena rîrîa andû a Juda maacûkangagua. Mûtiagîrîrwe nî gwîtîîa rîrîa maarî na mathîna.

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Zakaria 12:3

Vîndî îo nîngaatûma Jerusalemu îtuîke ta îthiga rîrito kûrî andû onthe. Arîa makaageria kûrîûkîrîria nîmagaativua nîrîo. Mavûrûri monthe ma nthî nîmakaarîtharîkîra.